Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Aktivistura opral po kaver parahodo

Nevo kerdo torsdag 3 maj 2012 kl 13.52
Publicime torsdag 3 maj 2012 kl 11.53
Greenpeace das opre pe Nordica

Policia astardas kodolen 6 aktiviston anda organizatcia Greenpeace so dine opre pe parahodo Nordica adjes tetehara, kado phendas e Therese Jacobsson so si sherutni pe pushimata so si pa Arktis po Greenpeace

Aktivistura anda e miljöorganizatcia Greenpeace dine opre pe jekh parahodo so pagrel paho - isbrytare anda Finlado khaj bushol Nordica. Kado sas kerdo adjes (zoja) pasha Öland. Nordica si jekh anda duj isbrytare so si te kerel buci pasha e ulejeski firma Shell kana von si te hunaven pala ulej ande Arktis kado milaj thaj kado si aba e dujto data khaj aktivistura zumaven te ashaven kado parahodo.

Daniel Bengtson si sherutno pe kommunikatcia pe organizatcia Greenpeace, vov phenel ke 6 aktivistura dine opre po parahodo thaj phandade pe tele pe differentne thana.

Klas Hansén so si vakthavande pe Kustbevakningen phenel ke o plano si ke kana o parahodo aresel ande Karlskrona astarela e policia kodole manushen.

Greenpeace si zurales kriticne ke si slobodo te rodel pe ulej ande Arktis thaj ke o shvedicko regeriungo chi phenel kanchi pe kado ande Arktiska rådet.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".