Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Resistentne bakteri vazden pe maj but

Nevo kerdo tisdag 8 maj 2012 kl 12.17
Publicime tisdag 8 maj 2012 kl 10.11

So maj but manush len bakteri so kerdjion resistenta karring e antibiotika ando Shvedo thaj so maj but normalne nasvalimata sar urinvägsinfektion chi birij pe te sashtiarel pe normalna antibiotikasa.

Ande paluno bersh sas 5 666 rapportovane ke len sas ESBL, kado si jekh enzymo so paghel bare gruppi anda e antibiotika thaj kado si baro problemo ke kana si kade chi birij pe te zutij pe nasvalimata thaj kodolesa shaj te aven bare epedemi thaj pandemiphenel o Otto Cars so si sherutno po ReAct so kerel buci karring antibiotikako resistanso.

Si uni bakteri so normanle si ande e manushenge porra sar e bakteri Klebsiella pneumoniae tha E.coli so korkori vazden opre e ESBL, ensyma so malavel tele e antibiotika.

Maj baro problemo si ke e bakteri keraven korkori jekh enzymo, ESBL, thaj kado malavel tele e antibiotika.

Thaj kadal si bakteri so si naturlano ande e manushesko stato thaj kana si feri ande e porra naj kanchi numa univar den kadal bakteri ando rat vaj ande urina thaj atunci kerdjion pe nasvalimata khaj e manush.

Te chi birija pe kado te sashtiarel pe sigo antibiotikasa, birin kadal nasvalimata te den phare infektci thaj mansuh trobuna te keren opreatci thaj te avla inke maj phares birin e manush te meren katar kadal infektci phenel o Otto Cars maj dur.

E statestika sikavel ke 2 anda 3 so nasvajven khatar ESBL si djuvlia thaj vramasa avla inke maj phares te na avla jekh nevi antibiotika so malavel tele kadal bakteri

Ande kaver Europake thema sar exemplo Grecia thaj Italia vazde pe kadal problemura kade but ke si problemura pe bolnici e bakterienca so phiren kote thaj nasvaren kaveren ande bolnicia.

Vi e bakteria MRSA o nasvalipe so djal tela o anav sjukhussjukan - a bolnicako nasvalipe sas but avri mashkar e manush so line o nasvalipe avri anda bolnicia thaj kado si ekcera maj kaver sar maj anglal.

Otto Cars dikhel jekh evulutcia ande e antibiotikaki thaj phenel ke trobuj te keravel pe nevi antibiotika thaj trobuj neve buciake konditci te malavel pe tele kadal neve nasvalimata.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".