Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

"The Basily Boys"

Publicime onsdag 25 juli 2012 kl 08.33
"The Basily Boys"
(7:11 min)
Zonzo Basily katar o "Basily Boys"

- Ame sam o Basily Boys aj me sim o Zonzo Basily aj me sim jek sologitarisko ando gruppa. Ame sam jek familja aj amentsa si o Nokie, Raklo aj o Morice aj ame kelas romano jazz aj Django Reinhardt. Kadja penel mange o chavoro anda Hollando kana me araklem les pala o stena pe jek konserto so von sas te inkeren ando Maxim teatern. Kadala rom so vo si chi den duma romanes aj musaj sas mange te ankalavav more janglipe ando chip anglisko.

Najis e devleski ke beshlem ando amerika kana simas terno ken as te janav sar te kerav kado intervjuo lesa aj mange but importantno sas te anav tumenge kado article pe sar aj sostar si kadja ke le rom ando Hollando kadja drago lenge te bachaven e gitara pe jek specialno moda sar o prinjardo artisto kaj sas vi vo rom Django Reinhardt.

Sodengi sas vo kana lape te bachavel e gitara aj sostar lape vo te kerel kudo?

Me simas ando bersha shov vaj efta, ando moro familija savore bachaven e gitara vi moro data j moro papo aj vi sa more verori aj anda kudo vi mange avilo drago te kerav kudo ke me gindiv ke so dikes ke kerel kaver manuch vi tu sit e keres kana san terno.

Ok michto pe jek sim pe kudo numa so sas te kerdjolpe te na chi kelda o gitara aj sas te alosarel variso kaver sas te avel kudo varisosko problemo aj chachimasa sar trajin e rom ando Hollando aj sar diken pe lende e gaje?

Kudo nas te avel jek problem numa pashte savore ando familia bachavel e gitara. T eaves rom ando Hollandia naj kadja paro aj savore janel ke te san rom janes te bachaves e gitara aj o romano jazz si but popularno ando Hollandia.

Aj ame trajis pe jek romani specialno tan so si akardo "gipzy camp" aj kotche beshas ando amaro campinji pasha jek kavreste aj sam pashte bichta panch vordona pe jek tan aj sam jek familija.

Vo vi penda mange kana pandadem e mikrofono ke si but rom ando Hollando kaj si le paro trajoria aj but terne merch pien e drogi aj but pien te birin te piren ando gav vaj te birin te keren but konserti katar godi numa kado problem naj variso so si le len ando familja.

Puchlem lestar te si kado o pervo data ke von sas pe tan ando Svedo aj kaj maj sas te traden te den konserti kado milaj ferdi te aljarav te si ke sas vi len jek "hektiskt schema" sar penen e gaje.

Jo kado si o pervo data ando svedo aj me simas ando perdo tema aj pe jek shon sit e jas ando Norvego, Italia, Dinamarko aj vi sit e jas parapale kere ando Hollandia te keras teatro show aj vi sit e jas pe Django-Festivaloria so vi si ando Njamtso aj si lenge but drago.

Wow jek terno chavoro te jas kadja but katargodi aj t eaves pe droma aj te soves pe but differentno hotelloria bi t eaves kere lungo vremi….Musaj te avel drago tuke te bashaves e gitara vaj si ke le love baxtarel tut kadja but?

Na na inke naj kadja penel o Zonzo numa pe maj angle kam avela kadja numa akan ferdi moro butchi si kere ando Hollandia.

Sar beshlam tele avilo mange o gindo te si varikon anda e rom ando Svedo so ma janav kaj janel te bashavel e gitara sar kadal rom anad Hollando.

Aj dem ma gindo pe jek rom so me janav so buchol Angelo aj araklem jek vido pe leste p e youtube aj sikadem kaj o Zonzo te penel mage pesko gindo sar bashavelas o Angelo.

O Zonzo vasda peski jaka aj penda mange pe tan ke direkto achares ke rom si kaj bashavel e gitara aj ke but michto bashavel peski gitara aj ke shukar teknika si les.

Arislo e vrama te getov o intervju lentsa aj aljardem ke o patreto kaj sikavel le filmi kaj diklem pe Django Reinhardt aj o Jimmy Rosenberg kaj si rom anda Hollandia so bashaven e gitara pe jek fjalo sar naj but manuch pe kado lumja so birin numa le chavore ando Basily Boys naj dur lender….

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".