Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

Kadja si e situatzia karing le bärplockare adjes

Publicime onsdag 25 juli 2012 kl 12.20
Paro situatsia karing le rom anda Bulgaria
(6:20 min)
E Bulgariska ambassadoro Svetlan Stoev kon le bärplockare ando le vesha, Foto: Pernilla Wahlman/Scanpix

Aratchi chidepe o Bulgarikso ambassadoro aj manuch anda e kommuni aj e politzia ando Söderhamn te denpe duma pe o situatzia so si vasdino karing le mii rom kaj avile katka ando Svedoski vesha te chiden le blåbär. Pe kudo kidpe o resultatno sas ke konik vorta chi kamel te lel o responsibilita pe kadal manuch te shaj arisen kere pala kudo ke von nas putchinde aj sas chochade katar manuch ando Svedo aj Bulgaria kaj dine jek promisso lenge vi pa putchinipe aj vi pa chabe tala e vrama kaj sas te keren e bärplockning.

E rom kaj inke si ando Svedo tode jek patchaipe karing o ambassado te len von e responsibilta te shaj aven kere e manuch numa o ambassado tol o patchipe ando Svedo te jutin te arisen kadala manuch kere. Kadja penda o ambassadoro o Svetlan Stojev pala o kidipe so sas aratchi.

Sas pendino lenge ke sas te avel le len lasho tana katka ando Svedo aj vi lasho putchinipe numa me shaj penav ke von sas chochade. Amaro pervo gindo si te shaj jutis e manuchen so si avrial o ambassado ando Stockholmo aj te jutis e manuchen so la kontakto karing o socialo. Aj vi si amenge importantno te shaj avel o kontakto aj e infrmatcia pe jek maj lasho levelo sar sas.

O Lars Stål kaj si teknikako cherutno ando Söderhamn kadja penda pala o kidipe so sas aratchi.

Katka naj kanchi vuchoro aj kado si jek puchipe pe vi internationalno aj nationalno levelo so ame nashtis te lasharas katka ando Söderhamn pe varisoste. Numa te tas sor aj vulavas lacho informatcia jek kavresa attunchi sam pe drom te keras variso te vasdas kado problemo maj but sar te avel jek meljareski problemo.

Kado si te avel jek puchipe kaj o regeringo aj o riksdagen te len e rosponsibilita pe kado puchipe andek tan kon o Bulgarisko regeringo ke kadja nashtil te avel aj kado chi naj michto karing Svedo vaj Bulgaria.

O Patrik Cederlöf kaj si samordnare karing prostution aj bichinipe pe manuch penel kadja adjes ando P1-morgon

O manuch shaj dikel anda savo kategoria kadal manuch aven, but anda lende aven katar jek minoritetno gruppa aj aven katar tema kaj si le pare situatsia trajoski aj minimalno socialno aj lovengi securita. Vorta sar le manuch kaj dikas ando bitchinipe pe sexualnotjänster sar trafficking.

Ando sa kudo programmo beshelas e ordförande ando Arbetsmarknadsutskottet Elisabeth Svantesson katar o Moderaterna aj voj kadja penda.

Sar si karing kadala manuch anda Bulgaria chi janas but aj chi janas save relatsia si le len karing le arrangörer, si kado compania vaj si kado

privatno manuchen kaj chochade le. Ame janas ke but anda lende sas chochade te aven katka ando Svedo aj attunchi si importantno ke michto ankliel maschkar le instansoria sar o arbetsmiljöverket, skatteverket , politzia aj e kommuni.

So ame janas sar si adjes inke si but rom ando tem katar Bulgaria aj but anda lende si pe drom vorta akana kring o ambassado ando Stockholmo katar le vesha. Ame vi janas ke o ambassadoro si te avel pe jek kidipe kon o UD so si o Utreikesdepartementet adjes.

Pe uni tana vasde e politzia e sor te na avel konflikti maschkar le bärplockare aj le manuch kaj beshen pe kadala tana, jek anda kadala tana si o Örebro.

Sar maj fugo ke las ame majbut informatcia katka pe Radio Romano si te avel ramome pe amaro internetski patrin www.radioromano.se

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".