Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
natioanlno

Romer i Centrum Festivalo aratchi ando Stockholmo

Publicime onsdag 1 augusti 2012 kl 11.44
Festivalo ando Kungsträgården Stockholmo
(6:01 min)
Glati kaj kelen pe stena anda Kungsträgården aratchi pe festivalo

Aratchi kana sas ame amaro sändning me simas tumentsa live katar o Kunsträgården aj penavas tumenge sar delas e brichin aj varikaj sas jek dar savorenge ke chi avela o festivalo karing le shov. Numa sar ashukerdam le chasori te pashon e vrama mangelas variso kaver aj polokes aj polokes anklisti e kam avri. Gelem me kaj o Kungsträgården aj avilem pe tan vorta anglao chaso shov numa nas majbut sar bish vaj tranda manuch pe tan aj avilo mange o gindo ke sostar kadja kam savore gindil ke chi avela o festivalo pala e vrama so sas maj anglal tala o djes.

Attunchi ashundem variso pe stena anda o mikrofono. Kado sas o Gregor Dufunia Kwiek kaj sas opre pe stena aj penelas savorenge uni vorbi pe sar, sostar aj kana lape kado gindo te vasden kado festivalo aj sar kado bersh si jek specialno bersh pala kudo ke le rom si de 500 bersh ando Svedo.

Sar dikavas lape le tana te perdjonpe aj avelas differenti rom pe sako riga. Majbut aj majbut, moro chav sas pacha mande aj puchelas mandar tate kana lelpe le djilia aj e kelipe.

Vorta attunchi da opre pe e stena o Michal Jono Stankov kaj si o organicatori pe kado festivalo aj akarda opre e pervo artisto kaj sas o Samson kaj si jek chavoro so djilabel e devleske aj kado kerda de 15 bersh penelas e manuchenge. Numa kana diklem ando programmo nas te avel vo chachimasa numa o Rosita Taikon sas te avel pe stena aj vorta sar dav ma gindo pe kado aj o Samson lape te djilabel e Rosita Pasha mande sas ando publika.

Sar getolas te djilabel o Samson e cheri sas vinito bi jek nuvero aj o kam tacholas e manuchen so akan sas opral pe duj shela manuch. O festivalo gelo angle aj sas o rom Domino Kai opre pe e stena te penel ke voj aj duj trin gaje lape te keren jek teatro gruppo aj vo kado kerelas ando UR so si o Utbildningsradion ando Sveriges Television.

Pala kudo ke vo getolas avilo opre karing le 15 glati ando shukar romani gada but farbensa aj vi vo kaj sicharen le te kelen o Zdzislaw Bilicki. No kado preformance sas jek hitto karing e manuch kaj sas pe tan! Le pelmi kaj dine le manuch pala sako danso chi getonas aj le chinore glati ando publika kaj nashenas maj anglal parpale aj angle bechenas totalno miro aj dikenas bare jakentza.

Pala kadala glati me gindivas ke kado festival chi avela kadja surales interesno numa maj sas duj gruppi te lenpe opre pe o stena aj jek anda lendi si o Baro prinjardo artisto so si o stolthet machkar le rom anda finlando o Dimitri Keiski.

Kana vo getosarda o kam polokes aj polokes gelotar aj avelas chira maj chill avri aj but manuch lape te den pe peste aj pe le glati le rachamia numa sa te avel jek gruppa opre pe o stena savo sas te vasdel e tachipe machkral e rom kaj sas ando publica aj kudo gruppa si o Zespol Romanca anda e Polska.

Vorta kana lape e publica te tatshol aj dikavas e romen kelenas attunchi getosajlo o festival. No arislem kaj o punkto te dav tume jek resume pe o festival aj me gindiv ke pala e vrama so sas pe djese but manuch chi avile ariete te diken e festivalo, vi trubulas e manuch kaj kerenas organisera e festival te akaren andre nevo artisto aj anda kudo me gindiv kemichto anklisto e festival aj le duj gruppi so kelde romanes lengi schukar gadentsa sikade chaches e kultura romani pe jek leshi aj schukar moda kaj e manuch kaj sas pe tan aj nas rom.

Pe ultimo kamav te penav ke araklem jek anda e dejan savi buchol Natali aj so sas laki tjej ando gruppa kaj kelenas e glati aj voj kadja penda sar lake si ke laki tjej anklisti opre pe o stena aj kelda.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".