Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

"Surrogatmödrar" si juvlia kaj jutin kavren te aven le glati

Publicime onsdag 8 augusti 2012 kl 09.30
"Surrogatmödrarskap" Si jek juvli so jutil kavren te avel le glati
(4:56 min)
"Surrogatmödrar" si but anda India vaj Amerika

Si te avel surrogatmamma so si jutipakodej meklino ando Svedo? O puchipe sas vasdino ando jek baro debatto ando riksdagen aj media aj akana si te avel jek dikipe pe kado katar o regeringo. Pe kado la o riksdagen jek desitzia. Numa le departementoria trade e puchipe machkar pende aj si jek puchimos te si te avel jek dikipe pe kado, akana si kado pe o skafedi e justitieminstronge.

Vuchem si juvli so vuchem si kasavendar jutipako dejan aj arakdjon glaten kavrenge penel o Fredrik Eng kaj si ordförande ando föreningo surrogatmödrarskap.

Kado vuchem sas ando Svedo, numa adjes kado naj jek modo so si pe jek legalno drom adjes ando Svedo.

Me janav pe uni kasavendar dati numa naj sar kana avel glati avrial o tem sar sako kurko.

Jek jutipako dej shaj avel vi biologisko dej kaj e glata vaj shaj avel ke si todino jek gata glata andi late te piravel e glatat le inja shon aj kadja naj jek biologisko panglipe karing e glata. Kado si o maj normalno ando Svedo aj kado si kana varikon kamel te jutil ando familja vaj jek pache amigo te shaj avel le glata.

Numa sar naj jek gata legalno drom pe kado majbut manuch jan avrial o tem, 80 ji kaj 90 procenti jal ando India numa vi ando Amerika, Russia aj Ukraina aj putchinen jek kliniko so anel andre jek juvliat so piravel le glatat lenge kudola inja shon penel o Fredrik Eng.

Kudola kaj jan ando India jan kotche ke maj lesni si, ando Amerika si but dati maj kutchi numa kotche shaj avel e possibilita te avel kontakto karing e jutipako dej aj e glata shaj jal kotche te dikel e juvliat aj kado naj jek possibilita ando India.

Sodi Sveditsko glati si arakadjile katar jutipako dejan ando Svedo vaj avrial o tem naj chansa te penes. Kado naj registrime pala kudo ke naj sako pe kado moda ando Svedo.

Me seguro sim ke tena naj smugglime andre le glati aj si pendino ke e glata arakadjilo avrial o tem attunchi si jek baro chansa ke sas e glata katar jek jutipako dej, aj vi te san puterdi kon kado sa jek chi keren rigistratzia pe kado aj anda kado ame chi janas chachimasa sode glati si arakadjile katar jutipako dejan avrial o tem aj chi sodi andral o tem.

Te sas te avel jek legalno djela kado ando Svedo majbut manuch sas te kamen te keren kado ando tem penel o Fredrik Eng. Ke kado si jek kutchi drom te alos, opral pe jek milivono ando Amerika aj but shela mii ando India aj vi truno. Le njamori musaj te jan karing jek lungo juridiako processo te shaj anen penga glatat kere sar for examplo katar India.

Kado si o Migrationsverket, skatteverket, ambassadoria, konsulatoria, folkbokföring aj försäkringkassan. Ke kadala glati chi aven automatisko Svedanoria aj len jek chachipe manuchengi ando Svedo numa si jek lungo processo so e njamon musaj te naken maj anglal. Penel o Fredrik Eng so si ordförande ando föreningo karing surrogatmödraskap.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".