Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

Truno e politziake te keren rodipe pe internetski kontaktoria

Publicime tisdag 7 augusti 2012 kl 11.10
MC-Polis
(3:12 min)
Foto: Andreas Morén P4 Örebro.

E politzia si le problemi te keren rodipe pe brott kaj sas kontakto maschkar o manuch so kerda o brottet aj o manuch so sas kerdo karing o brottet pe internet aj kado si sa jek pala kudo ke sas kerdo o nevo direktivno karing o datalagring angla o milaj. Jek parto anda o problemo si ke mankil jek internationalno avtal te shaj lel avri e politzia informatzia so si garade pe servrar ando kaver tema penel o Anders Ahlqvist kaj si IT-brottshandläggare kaj o Rikskriminalpolisen.

O Andres Ahlqvist penel ke e sakonoria so si, si nationalno numa o internet si variso so si sa o lumjako aj kado vasdel problemi aj nar sar sas maj anglal kana sas sa e informatcia pe jek komputeri aj ferdi trubulas te jas aj te keres beslagta e komputeri. Akana pe nevi vrama sam aj uni dati kam chi janas anda savo världsdel sas ramosardo kadala kontaktoria.

Te si jek suralo brott attunchi shaj mangel e politzia jutipe katar e krisa ando Amerika te shaj len avri kontaktoria so si ramosarde ando mailo vaj patretchi katar Twitter, Google, Facebook vaj kaver bare amerikanoski internetski patrina.

O problemo si ke but vrama jal aj tala kado vrama shaj avel majbut importantno informatcia so chasavol. Aj maj truno kerdjol e djela pala kudo ke o nevo sakono katar o datalagringen penel ke sar majbut so shaj avel garado si ferdi le ultimo shov shon.

Si jek maj vuchoro aj maj fugo drom te alosares te chi kamel o manuch te ashukerel pe le Amerikanisko Krisa aj kudo si te jas direkto kaj o manuch kaj kerda o brott aj te les avri o mailkontakto vaj patretchi.

But dati si kodori pe le komputeri so e politzia len ando beslag aj o sakono penel ke naj le chachipe te shaj len avri informatcia pe kado drom aj kado si ramome ando EU-konvention.

Kado si variso so choljarel Urban Swahn so si politzia ando Göteborg

- Kado si sar te keres jek rodipe ando varikasko ker. Kado si variso so kerel jek manuch te aljarel teljardo numa te janas ke kado manuch kerda variso brott attunchi mange sa jek si penel o Urban Swahn.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".