Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

Kritika karing neve skattoski zonoria

Publicime onsdag 8 augusti 2012 kl 12.32
MC-Skattesänkta arbetszoner
(3:41 min)

Akana avel kritika karing e preposalia te teljaren e skatto e firmonge pe tana kaj si vucho o bi butchiako manuch. O regeringoski dikitoria toda angle jek proposalia kaj von ginde avri ke karing le tranda neve startzoner shaj del manuchen majbut butchia. O Andreas Bergh si docento ando nationalekonomi pe o Lunds Universiteto aj vo penel ke naj vorta te ton focus pe ferdi uni tana.

Te kerela o manuch jek teljaripe pe o skatto kam avela duj trin firmi kotche pe tan aj kam del uni butchia numa me gindiv ke te si ke manuch si te denpe gindo pe kado attunchi me gindiv ke kado si jek choro drom te delpe gindo o manuch. Le manuch kaj beshen pe maj michto tana sile butchia pe kaver tana aj von jan parpale angle kaj lengi butchia penel o Andreas Bergh.

Ke e firmi kaj si pe tana kaj si but manuch bi butchiako vaj si but manuch kaj si le socialbidrag aj jek teljardo janglipe vaj schkolaki sicharipe shaj putchinen maj chira arbetsgivaravgifter aj pala kudo si te aven majbut manuch tekeren butchi lende kado naj jek nevo gindo. Sa kadala projektoria sas sumade ando kaver tema aj vi ando Svedo ando Norrlando pe tana kaj chi beshen but manuch.

Le maj neve dikipe so sas kerdo sikavel jek lasho resultatno katar franchoso kaj sas kasavendar skattoski projektoria pe maj chore tana. E dikipe kotche sikadas ke sas majbut butchia te den e manuchenge numa le procenti pe bi butchiako nas teljardo ke le kaver firmi kaj nas andi kadala zoner chasarde aj musaj sas lenge te shuden manuchen katar lengi firmi aj kado sikavel vi jek studia kerdo ando Anglia.

O Lars Jagrèn kaj sas amime andi kadala dikipe penel ke ankliel jek choro konkurensia maschkar le firmi kaj si andre ando kadala zoner aj le firmi kaj si avrial kadall zoner.]

Kana o manuch dikel kadala tana kaj si alosarde ando Svedo univares ferdi jek drom si maschkar e differentni tana so le aj chi len kado possibilita, attunchi sostar te na sumaven e manuch te anen andre vi le kaver firmi kaj si avrial oe zonoria te shaj avel jek maj lasho inkludatsia penel o Lars Jagrèn.

Numa o intergrationsministro Erik Ullenhag penel ke o manuch musaj te sumavel te arakel neve sulution te boldel o manuch le bara te arakel jek nevi positivno spiralo andi le miljonprorammonski tana kaj shocha nas.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".