Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

O Arbetsförmedlingen roden brobyggare

Publicime torsdag 9 augusti 2012 kl 10.06
Mirelle Gyllenbäck-Romska brobyggare Arbetsförmedlingen
(9:24 min)
Mirelle Gyllenbäck si jek romani anda Finlandia aj si o projktledare kaj o Arbetsförmedlineg pe kado brobyggarprojekto

”Juti ame te anas andre majbut rom pe o butchiako marketo” Kadja si ramome ando annonso so si todino avri pe o Arbetsförmedlingens intenetski patrin. Von vorta akana roden manuchen te shaj aven sar brobyggare so si jek manuch kaj keren butchi maschkar le rom aj le gaje te shaj aljaren jek kavreste maj michto. O regeringo la jek dizitsia te jutin aj te ton love pe rom te aven includerade ando samhället aj pe kado shaj ashundan but pe o Radio Romano.

Kado si pe le panch kommuni so si akarde ”Pilotkommuner” aj si dine love te shaj jutin e romen te aven majbut andre ando samheället pe but leveloria.

O regeringo penda ke kaj o bersh 2032 musaj te avel jek rom so si 20 bersheski sa kado amime ando samhället sar jek raklo vaj rakli ando sa kudo bersh.

Akan o arbetsförmedligen rodel jek manuch pe sako pilotkommun kaj si rom aj shaj avela o länken sar penlpe e gaje, maschkar e rom aj e gaje.

Ame pe radio romano akardam e Mirelle Gyllenbäck so si projektledare pe kado anda arbetsförmedlingen. Voj si jek romni anda Finlandia aj vi si njamtsisko tsinto aj janel e paripe sar te aves rom aj kames te aves andre ando samhället.

Lako uppgift ando kado projekto sar projektledare si te avel sar jek jutitori karing le manuch kaj roden e butchi aj vi kana e manuch line e butchi. Lako uppgift avela te avel sar jek kontaktperson maschkare e rom kaj si te avel brobyggare aj o Arbetsförmedlingen so den e rom e butchi sar brobyggare.

Pe o puchipe sar von alosaren e manuchen so si te avel brobyggare voj penel kadja.

O perfekto brobyggare si varikon kaj si le janglipe te kerel butchi romani puchimatonza aj so janel o kulturo romano michto aj vi te janel e romani chip aj sa kado ferdi te shaj arisel kaj e romani gruppa aj te jutil le le len.

No sar ashundan so si jek latcho brobyggare o puchimata ando gindo kam si kon si jek manuch kaj si vorta karing kado butchi?

E Mirelle penel ke o vorta manuch si varikon kaj janel e romani historia aj si le janglipe pe o lokalno nätverk, aj vi trubul te avel le jekjanglipe kaj te arakel e romen ando kudo tan kaj si te kerel butchi. O golo karing kado si te shaj avel e romenge jek maj baro pachaipe karing e manuchen so keren butchi ando myndigheter aj te ramon penge opre ando arbetsförmedlingen.

Me direkto kana janglem ke voj si te avel amende ando studio trubulas te janav so si positivno aj so si negativno pe kado brobyggarskap. Aj vi avilo mange e chansa te puchav latar kado puchipe.

Voj penda ke positivno karing kado si ke o manuch sumavel te anel e romen aj e gajen maj pache pacha jek kavreste karing kadala brobyggare aj o negativno si ke e vrama so si dino te shaj kerdjol kado si chira pra skurto te arisel o manuch kaj jek resultatno.

Numa ando moro gindo kado si jek latsho gindo so o arbetsförmedligen kamen te keren numa me vi kudo janav ke le rom si truno manuchen aj kam jala jek vrama te aljaren ke kado si pe lengi michtipe.

Sodi shaj jal maj anglal sar dikel o manuch varisosko resultato si o gindo ando moro shero.

Pe kado puchimata o Mirelle penel ke so von kamen te gindin si ke jek resultatnos ar maj fugo sikavelpe numa maj anglal trubul o arbetsförmedlingen te den jek interno janglipe pe sar te keren e manuch kaj si te len e butchi, ke si te avel jek paro aj baro responsibilita pe le manuch kaj si te aven brobyggare.

Sar me akan dikav pe kado si ke kado si jek maj paro aj baro projekto so si o gindo anda gor numa inke avrikaj me pe jek si pe o gindo ke si te avel jek chansa aj chachipe ke le rom si te aven pe sa jek linja aj pe sa jek chachipe sar kudola manuch kaj naj rom pe 20 bersh.

E Mirelle lape te penel mange so si lako visia aj golo pe kado projekto aj aljardem kem e aj voj sas ame pachte sa jek gindoria.

Me kamav te avel jek baxtali djela kado projekto aj te avel e rom kaj arakadjon kado bersh andre ando samhället aj dino sa jek chachipe aj chansa sar jek raklo vaj rakli pe 20 bersh, vorta sar si pendino katar o regeringo ke ando bersh 2032 si te avel e rom vorta sa kadja amime ando samhället sar sa le kaver kaj beshen ando Svedo aj naj rom.

Voj vi penel ke kado si jek lungo drom aj o projekto si pe lungo vrama numa tala le 20 bersh si te arisas gaj o golo aj anda kudo marama me anda e romanipe aj vi kerdem tala le ultimo 6-7 bersh penel e Mirelle.

Pe ultimo puchlem te si variso voj kamel te penel e romenge kaj ashunen aj voj kadja penda attunchi ke kamelas te del tumenge o vorta informatcia.

Tume kaj aljaren ke tume kamen te roden e butchi sar brobyggare jan andre pe o internetki patrin www.arbetsförmedlineg.se aj ramon romer ando sökfältet. Tume shaj roden e butchi ji kaj o 17 augusti so si o parastuj ando kurko kaj si te avel. Te si tume puchimata tume shaj len kontakto kon e Mirelle Gyllenbäck aj shaj arakes laki kontakto uppgifter ando annonso so si todino avri. Kadala butchia jal kaj le manuch kaj bechen ando pilotkommuni so si.

Göteborg, Linköping, Luleå, Helsingborg aj Malmö.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".