Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Vazdel pe o bikinipe po diklofenak

Publicime måndag 13 augusti 2012 kl 13.57
Foto: Tove Kluge/Sveriges Radio

Vi te si kade ke pinziardoj ke e tablekti dukake e Voltaren thaj Eeze thaj vi kaver si le o substanso diklofenak kaj shaj kherel te lel o manush lel hjilesko atako vaj hjilesko meripe, vazdel pe maj dur o bikinipe kadale drabengo. Thela pansh bersh vazdas pe o bikinipe pe dukake medecini kaj si andre diklofenak pe 30 procenti ando Svedo. Kado sikaven siffri katar o Ekot. Ferik vi te si kadal riziki chi kamel o Läkemedelsverket te phenen patientonge thena hasnin diklofenak, phenel e Sahra Barzi ando Läkemedelsverket.

-Angla mande mishtoj ke si diferetni substansura po marketo. Ferik ke importatnoj te zianes ke e medecini kaj si bi receptako si ferik o te hasnin jek skurto vrama, chi lel pe but kurke aj tena zianes sostar dukhal le manushes, phenel e Sahra Barzi. De sar o 2005 bersh vazdas pe o bikinipe vi pe kaver dukake tabletki pel 20 procenti.

Maj le le tabletki kaj si andre ibuprofel vaj diklofenak vazde pe pe 30 procenti. Thela sa kadi vrama chi bikindzion sa kade e tabletki kaj si andre o subtsanso acetylsalicylsyra pe 59 procenti, sikaven statitika katar Apotekens Service kaj dikhle pe statistika krujal intrego Svedo.

 O Läkemedelsverket alosarde tena mukhen avri diklofenak ande normalni bolti, ferik ke kadal medecini arakhes ferik ande apoteki. Ando Läkemedelsverket dikhen sar o bikinipe anda diferentni medecini kaj chi trobuj recepta parudzilas de sar line te biknen le ande normalni bolti. Von line sama ke so maj but bikindzion medecini pe duk, ferik ke sostar chi zianen.

-Ame ando Läkemedelsverket kheras jek rhodipe akanak pe kadi statistika. Vi ame lam sama ke vazdas pe ferik ke sostar chi zianas, phenel e Sahra Barzi ando Läkemedelsverket.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".