Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
nationalno

Stiftelse pachiva pe miljonura shonas

Publicime tisdag 14 augusti 2012 kl 13.09

O stiftelsen po strategisk forskning hale tele but miljonura tela kadal palune bersz, love kaj anglunimastar sas dine te zan po forskning. Tela trin bersz dinne 9,3 miljonura koroni le Micael Bindefeldos kaj si jek pinzardo festfixare. Kanna kado stiftelse pherdas 15 bersz kerelas o festo opral le 2 miljonura koroni.

O Stiftelsen för strategisk forskning, len si 14 buciara, aj jek garudini kontura maj opre ando world trade center ando Stockholmo, aj sille 9 miljardura sar kapitalo. Le love ven anda le lönetagarfonder kaj phandade sas tele ando 90 bersz, aj kaj sas finansovani le skatosa anda differentni firmi. E buci so kado stiftelse si te kerel si te zutij o forskning kaj si ando swedo karing e medicina, teknik aj vi naturvetenskap.

Kuko bersz pochindas o stiftelse avri 542 miljonura koroni pe differentni forsknings projektura. Kadal bidrag vaj lovengo zutipe si zurales importantni ke butivar kadej ke trubuj love vorta kasave manuszen te shaj keren peski buci.

Aj iva kadej e situacia las kado Stiftelse aj shutas but miljonura pep r-projektra aj pachiva, kaj naj chachimasa le grundo.

O pinzardo festfixare o Micael Bindefeld las jek kontrakto lenca ando januari 2009 bersz. O kontrakto zalas karing le regulura aj chi kerde chinna jek upphandling, te diken vaj si kaver laternativi, iva musaji lenge te keren kado. O kontrakto nas chinne registrovano varekaj. Chinna le buciara chi dikle soj skirime ande kado kontrakto, aj kade pochinelas leske o Stiftelsen ska shon tela but bersz love. Ando 2012 bersz pochinde leske abba 695 546 koroni, aj te lessa de anda 2009 bersz pochinde leske 9,38 miljonura koroni.

Pe le fakturor chi skirijpe kanchi anda sos pochinde leske, feri ke skirijpe ke sar o kontrakto pennel. Jek faktura kaj sas pe karing le 2,7 miljonura koroni, skirijpe kade pe specifikacia, Produktionsbudgeto po 9 september 2009 bersz, Seminarium 330 000, aj stadshuset 1888 000 koroni.

Le pochinimata sas lasharde katar o administrativno direktoro, kaj vi skirisardas o kontrakto le Bindefeldosa. LE specifikacji kaj trubunas te aven ando bokföring naj, pennel o sherutno Lars Rask la gazetake Dagens Nyheter.

Kanna e gazeta anglunimastar las te dikel perdal kadi situacia chi kamelas o Lars Rask te del aj te sikavel o kontrakto, pennelas ke sekretess si pe les. No palak vrama pelas o kontrakto ande la gazetake vas, aj kothe skirijpe ke le Bindelfeldoski buci si te zurarel o zanglipe pa kado stiftelse, vi maskar le manusz aj vi ande medji.

Ando 2009 bersz kanna o stiftelsen pherdas 15 bersz, kerde von kade ke vazde kado djess dosta zurales. O festo arrangulisardas o Micael Binderfeld aj sas kerdino pe 500 zhene ando Blå hallen ando Stockholms stadshus. E invetacji kaj bishade le manuszenge, sas dosta kuch glazune cine plakatura.

Maskar kodol manusz kaj sas po tan sas vi direktorura, landshövdingar aj vi uni journalistura. O utbildningsministro o Jan Björklund aj vi o Tobias Kranz sas po tan. Pala o habe avilas e Lena Philipsson te dzilabel ot le manusz te birin te kelen.

Ande lengi kenva shute von e rubrukacia pe kado ”MBAB informationsprojekt” No pa kado projekto nas but vorba, navet pe lengi patrin naj pominime kado. Vi ando årsredovsning anda 2009 bersz nas kade vazdino kado, po siggo varekaj feri.

Aj na feri anda kado vazde reakcji le manusz. Vi anda kodo ke o direktoro o Lars Rask lel 135 000 koroni sako shon, aj opral pa kado perel les vi 30% anda kado sar jek tjänstepension. Aj ande lesko kontrakto vi shutinoj ke 10 kurke semestro shaj lel.

E administrativno direktorka e Ann-Katrin Croon la pherel 105 000 koroni andek shon, aj vi la si 10 kurke semestro ande bersz aj 30% sar tjänastepension.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".