Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Po jiva kijenge brickor shaj avel hohajipe

Publicime tisdag 14 augusti 2012 kl 13.57
Kijenge brickor den avri po jiva
(4:32 min)
Inkassokrav pe nyckelbricka katar MySafety. Foto: Lillemor Strömberg/SR.

Akana jal majdur e ivja-bichinipe, kado si le manuch kaj si pe le droma aj kamen te den tu variso ivja numa si jek risko ke pandes tu karing variso so naj ivja aj truno si te anklies avri anda panglipe. Akana kerel o Sveriges Konsumenter varna le manuche katar e firma mySafety kaj den avri ivja chejoski-brickor te si ke des chire personalno uppgifter lenge.

Te si ke keres markera ke kames jek abonnemang attunchi truno avela te anklies avri ke naj tu sa kudo ångerrätt sar kana pandes tu karing variso pe telefono vaj internet penel e Maria Wiezell kaj si konsumentrådgivare pe o Sveriges Konsumenter. Maj but manuch gindin ke si tu ångerrätt te si ke pandan tu karing jek avtal ando foro. Kana si tu ångerätt pe djeli kaj chindan pe internet vaj pe telefono attunchi me gindiv ke trubulas te avel tu ångerrätt vi kana chines avriso ando foro, ke kotche si jek agressivno bitchinipe penel e Maria Wiezell.

O Svenska Konsumenter lape o bersh 1992 aj si jek organiztsia kaj naj pandade karing varisosko partia aj si jek paraplyorganizatsia. Si karing le 30 medlemsorganizatsia aj uni enskilda memberoria. Von den avri e gazeto Råd & Rön te den jutipe karing e manuch kaj kamen te chinen variso. Kana avel kaj kadala chejoski-brickor katar e firma mySafety line andre o Svenska Konsumenter kring le 55 klagomål de katar o shon Januari ke manuch aljardape chochade katar le manuch kaj den avri ivja le bricki ando foro. Sa so si dino ivja ando foro kanagodi si variso panglipe palal, naj kantchi so si ivja.

Konik chi del avri variso ivja so pala jek vrama chi ankliel variso so tu musaj te putchines penel e Maria Weizell. Te chi san vuchtiado shaj avela ke tu les kudo bricka aj ando fugo chi gines vorta so ramos vaj si ke o manuch kaj del tu e bricka ivja vuchem ramosarde andre ke kamens jek avtal pe maj angle penel e Maria Weizell. O Svenska Konsumenter kamel te janel e manuch ke pala shov shon si tu chansa te getos kado testperiodo te si ke tu chi todan ke kames jek abonnemang aj attunchi naj tu panglipe. O mySafety keren jek sikaipe ke tu todan tu ando jek abonnemang vaj kerdan jek beställning pe kado kana tu putchindan jek faktura so si tradino kere tute.

Numa kudo faktura so avel tute si ferdi jek reklama so marshol sar jek faktura aj attunchi tu gindis ke musaj si tuke te putchinen te na arises kaj o inkasso penel e Maria Weizell. Chi les kosti katar o inkasso chi pandes tu pe varisoste naj tuke chi jek musaj te keres avriso. Von ferdi traden tuke variso so marshol sar jek faktura numa chachimasa kudo ferdi jek reklama si. Sar mankil sakonoria pe kado kana chines variso ando foro aj pares kerel karing le konsumentoria trubulas te parovenpe le sakonoria pe kado gindin o Sveriges Konsumenter numa vi si jek responsibilita kaj le konsumentoria. Me gindiv ke si chores ando sakonoria karing bitchinipe pe droma aj platsoria aj ke naj ångerrätt.

Numa ke si jek responsibilita kaj o konsumento te ginel vorta so voj vaj vo ramol aj vi te ashunes vorta pe so si pendino tuke katar o manuch kaj si angla tute aj kamel te bitchinel vaj te del tu variso ivja. Ke e firma kaj del tu variso ivja musaj te sikavel ke tu pendan jo ke kamesas te pandes tu karing variso pen e Maria Weizell kaj si rådgivare kaj o Svenska Konsumanter.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".