Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Det brinner i Domsjö fabiker i Hörnettområdet med kraftig rökutveckling som följd.
(Publicerat idag kl 15.15)
Nyheter och program på romani
nationalno

Ashunen e romni Sabina kana jal te kerel "storhandla"

Publicime onsdag 22 augusti 2012 kl 10.00
"Storhandla"
(8:14 min)

Vulistam tele ando matora aj tradam kaj lengi lavka, nas dur katar e romni Sabina aj voj vi anda pesa lako maj chinori tjej e Hannah. Dam andre pe o parkingo angla e lavka aj janelas e chinori ke akana trubulas te anen jek vurdonoro aj attunchi trubul jek panchengi vaj deshengi te shaj lel o manuch jek vurdon te jal ando lavka.

E romni ankalada lako lista kaj ramosarda maj anglal te jastar. Voj attunchi ando ker dikelas sa anda le skoporia aj ando lako nevera so trubulas aj so naklo.

E lista si jek djela so le gaje vuchem sichon te ramon andi skola, von pe kado lista penen "kom ihåglapp, vaj inköpslista" kado si te na bistren so trubul. Sar keren e rom? E romni vi voj ramol kado lista ferdi te na bistrel sa penda amenge numa sar keren tume? Kana me diklem kudo lista aljardem ke chaches si le rom special aj trubul le len te chinen but andi levchi.

Michto boldas parpale ando lavka aj dikas sar e romni del ando gor te jal sar maj fugo lake aj te na bistrel kanchi…

Lam ame te jas katargodi ando lavka aj salisasma aj chi janavas so sas ando vurdon lengi aj so nas aj so mankilas numa sar penda e romni chachimasa e chinjori jutilas lat sar trubulpe, vuchem vi voj janelas kaj si le djeli ando lavka aj vorta so trubulas….

numa ke toda chira extra djeli andre ando vurdon so nas pe lista…bonboni, chokolato, djeli kaj chi jal numa ke si gugle jigenji opral pe o paketo aj anda kudo musaj sas te ton vi kudo andre ando vurdon te na mekela len ando lavka penda ke mila anda lende aj kamelas te anele pesa kere.

Sar jasas andi lavka dikavass ar le gaje chaches pe jek line anda sako numa e romni tolas pe trin vaj majbut anda sako. Sar keres tu? Aljardem ke kado djela te jal o manuch aj kerel storhandla si jek chinoso djela aj shocha chi getolas e lavka….

Pala pachte jek chaso arisasas kaj le kassi aj raduisajlem ke acharavas ke o chino sas te nakel…

Arislam kaj e kassa aj kotche beshelas jek terni rakli aj dine djes lasho aj lape te lel jek pe jek anda o tovaro numa dikavas jek nevo chino so e romni musaj sas te nakel…te tol kudola chabenata jek pe jek opre pe o banda aj pala kudo te tol le ando posi. Nas jek djela kaj toda e romni opre pe o banda jalas aj jalas le differentno chabena….

2.348 kroni arisli te putchinel e romni aj attunchi inke chi chinda sakuski so voj kerel ando jek kaver lavka te lel le freschko. Mange musaj sas te puchav katar e rakli ando kassa pe sodi jek normalno familja chinel aj voj da man o adveto ke maschkar duj aj trin mi kroni si normalno.

Kana e romni pakisarda andre sa le chabena andi posi aj ingerde le kaj e matora beshlam amenge ando matora aj gelam kere lende sar dam angla o vudar kaj lengo ker avilo lako chav aj jutisarda la te inkerel opre sa le posi ando apartamento aj pala kudo avili laki tjej e maj bari aj jutisarda te ton sa le chabena ando skopi aj nevera.

Sar keres tu kana keres storhandla, kon jutil tu tut, prinjardan tume tumen kana jan te chinen chabe sar kerel e romni Sabina?

Vulaven amentsa sar tume keren kana avili e vrama te jan aj te chinen chabe pe amaro mailo.

radioromano@sverigesradio.se

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".