Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

Majbut manuch soven pe droma kaj aven te roden butchia ando Svedo

Publicime tisdag 21 augusti 2012 kl 12.11
"Crossroads"
(4:23 min)

Frivilligorganizatsia mangen maj surales katar o Svedo aj EU te len responzibilita pe le manuch kaj si le chores aj aven anda kaver Eu-tema te roden butchia numa arisen ando kera save buchon härberg so si jek ker kaj shaj beshel manuchen bi keresko. Jek anda lende si o Janis anda Latvia kaj avilo ando Svedo de duj kurke parpale aj inke chi arakla butchi vaj ker te beshel.

Me sovav pe droma vaj ando parko.

Vo jal kaj o Härberg kaj buchol Crossroads so si jek tan kaj shaj avel manuch kaj aven anad kaver Eu-tema.

Me avav katka pala chabe ke katka si chabe.

Pe o Crossroads si chabe, ducha aj chansa te chalaves e gada vaj te keres låna jek data. Len si le karing 2000 visitororia sako bersh.

Majbut anda lende si murch katar kaver Eu-tema kaj avile katka ando Svedo te roden butchia sar anda Rumenia, Latvia vaj Russia numa vi anda Afrika, Latinamerika, Spanja vaj Italia.

Majbut nada lende chi araken chi butchia vaj kera aj trubun te soven avri pe droma.

Kudo manuch kaj naj ramome ando Svedo vaj chi rodel asylia naj les chansa te shaj lel avri jutipako love katar o socialo. Aj chi naj len chachipe te shaj beshen pe jek härberg.

E Marika Markovits si direktorka pe o Stockholms Stadsmission.

O liberta kaj si ame ando Evropa te shaj jas kaj ame kamas si pala kudo ke shaj inkeras ame korkoro loventsa aj shaj beshas ji opre kaj le trin shon aj tala kudo vrama te rodas butchi vaj schkola numa musaj te inkeras ame korkoro loventsa.

Pala kudo mangel surales e organizatsia palal pala Crossroads o Frälsningsarmen aj o Stockholms stadsmission ke vi o Svedo aj o EU len pengi responsibilita ke manuch chi arisen pel droma vaj totalno bi lovengo penel e Marika Markovits.

Ame nashtis te pandavas amare jaka aj te tas amare vas ando posotchi aj te na dikas pe o maj aktualno chorimos so si angla amende anda kudo magas o Svedo te len o responsibilita aj naj ferdi oragnizatsia kaj si ideella.

Kado si pe o chachipe kaj spitako jutipe naj ferdi akutno aj vi te avel chardako opral o shero aj vi o chachipe te shaj ramonpe andre pe o arbetsförmedlingo te shaj roden bucthia.

Adjes pra paro si lenge te len butchi numa ke si le o kompetensia so o butchiako marketo trubul lendar.

O Janis anda latvia rodel sa sogodi butchia si.

Mange sa jek si vaj si te vasdav kera vaj te chalavav vaj so godi si.

Aj te chi arakela variso angla iven attunchi jaltar ando Anglia ke kotche si kadalendar härberg te shaj beshel ke chi kamel te bechel pe le droma ando Svedo kana malavel o iven.

-te chi arakava butchi katka jav mange ando Anglia ke kotche si mange härberg.

Kon kerda o reportago sas e Jenny Hallberg pe o SR International

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".