Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
O duho savo nashavdilo 5-kotor
O duho savo nashavdilo 5-kotor
Shun
(5:41 min)
Shun
(5:41 min)
O duho savo nashavdilo 5-kotor
Publicime fredag 3 november kl 09.21
Publicime fredag 3 november kl 09.21
O duho savo nashavdilo 5-kotor
O duho savo nashavdilo 5-kotor

I Magdalena pomozindja-zutindja e duje phenjen te arakhen e poposke mulje romnja savi mothovolape sar duho, ano kher kaj beshola ljengo papo.

5- Kotor

Numa chache te pucha amen koj itano o duho ani akia paramicha?

Ashunen o paluno kotor "Oduho savo anshavdilo" kotar e Åsa Larsson thaj e Ingela Korsell.

Sabalje alji i struja ano gav. E bari zoralji balval savi phudindja rachate achilji.

Ashundjum ljen sar maren ano udara thaj sar huljen ano mo kher. Me darandiljum thaj garavdjumpe, zumavdjum te ashunav ljen so phenen.

- Dikhen, phenol o papao, Akate niko na djivdindja beshenca. O tikne chija djana trujal te dikhen. Ani kuhinja hine numa o astalji. I djama hine phagi, thaj andre huljilje but patrina kana phudindja i zoralji balval.

O tapete pelje telje kotar o duvari. Sa so dikhe hine andre hine phago thaj rumimo. - Pachan man oj hine akate ani soba, phenol e tikni chaj. Lako anav itano Magdalena.

- Tu musaj te pachama, o chachipe phenav tumenge. -Pachav tumen, phendja ljengo papo. Kana ov phendja odova, me mothodjuma ljenge. I Tuja alji palo mande. O tikne chija mothovdje najea pe mande numa khanchi na phendje. Ljengo papo nashti dikhlja pe mande.

- Akate itani oj? puchljape ov. O chija kerdje sherea oja. - Me hinum mulji, phendjum me ljenge.

But bersh naklje sar me muljum. Amen besha hinen ano akava kher. Me mi daj mo dad hem mi djuklji e Tuja. Hine jevend, e Tuja prastala ano ledo. Thaj o ljedo pharilo, thaj oj nashti ikljilji kotar o pani. Kotar i dar but bashola. Me prastandiljum te pomozinavla-zutinavla.

Thaj me da peljum ano pani, adjukhar solduj djene tasavdiljam ano pani. Kana tumen aljen mande.... Me nadjandjum kaj o djivde manusha shaj te dikhen pe amende. Me gindindjum kaj hem tumen hinen mulje. Djanen kana me hachardjum kaj tumen hinen djivde, kana hinama ko ker e poposko. Kan tumen ljiljenpe te vakeren kotar o duhia.

- Phenol oj diso? pucholpe o papo e chijengo. - Oj phenol amnege sar oj tasavdilji ano pani pe djuklja, pheol e bari chaj tahj o asva djana lake kotar o jakha.

- Me nashti te dikhav tut Magdalena, phenol o papo e chijengo. Mi daj shaj dikhola e duhien kana hine djivdi, o chija me unuke latar ljilje akava, kaj shaj te dikehen o duhia.

- Me kerdjum chingar, akushljumpe e muljenca, so na phendje mange kaj shaj te dikhen amen o djivde manusha. On phendje mange kaj nane o gindo te avol amen kontakti e djivdenca.

O djivde manusha djivdinen sar on mangen, na neljen khanchi amenca. Akana meda ljiljum te rovav. But vreme gelo sar paluno drom me rundjum. - Man hinema chefi te vakerav me dija hem dadea kana djivdindje, te shaj vareko te pomozinola-zutinola man te vakerav ljenca sar tumenca akana. Mangljum te phenav ljenge oprostinen-jertisaren so tasavdiljum ano pani, me hinuma bangi.

Me fordindjum jekh kash ano ljedo te astarol i Tuja. On but sekirindjepe mange. Beshenca rundje, thaj akana mi daj hem mo dad mulje, numa on na ulje duho sar me. -E tikni chaj puchljape, e poposki romi da duho ano keher e poposko?

- Oja, puche pa e manushni savi pashljola ani kada pherde panjea, oja, oj panda itani odothe. Oj panda sovol, ma achaven o pani. Mukhenla ano mir, oj na kerola tumenge khanchi.

O tikne chija phendje pe paposke so me phendjum, ov kerdja sherea kaj hachradja so kamol oj te phenol. - Shukar, akana djana sa, phedja o papo. Ka pahanv eskerienca o udara ano garderoben khoni te na huljol andre.

Ov sasti-nais Magdalena kaj tu arakhljan me unuken. Me na pachav kaj tu trubul te phene oprostin-jertisaren te dadeske thaj te dijake. Kana o manush terno kerol but bange-opasne bucha.

Adjukha itano akava djivdipe. Me na pachav kaj on hine holjame pe tute. Numa kaj hine brigake, oja. Akana on itane mulje hem na gindinen but pe odova. Sar ov phendja mange sa akava mange hine po kolaj, hachardjuma shukar. Ja se odoljeske so rundjum odolejske so ulo diso but bersh popalal, hachardjuma po shukar.

Me mange phendjum me na valjanol te ovav maj duho. Sar irindjuma palal te phene sa i phuv irnidjape manca. Kana pravdjum me jakha dikhljum me dijake jakha, hem ashundjum sar mo dad hasala. E Tuja da hine loshaki thaj adjukaha me irindjum javer chane te djav po anglje.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".