Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Romani redaktcia po Khamoro festival

Nevo kerdo lördag 1 juni 2013 kl 10.00
Publicime fredag 31 maj 2013 kl 08.44
1 av 7
Angluni raci: The Zuralia Orchestra
2 av 7
Dujto raci: Macarena Ramirez
3 av 7
Dujto raci: Olah Gipsy Beats
4 av 7
Dujto raci: Taborshow
5 av 7
Angluni raci :Kale
6 av 7
Angluni raci: Orkestar Sasa Krstic
7 av 7
Paciv djalas intrego raci vi pala e koncertura

Pala angluni raci sas e expektaci bare khatar e publika pe e koncertura so sas te aven po dujto djes ande Roxy.

E manush avile urade ande shukar ghada, sa sas vojake thaj savori djukarnas te shunen thaj te dikhen e romane gruppen anda Spania, Ungro thaj Russia.

Dujto raci 31/5

E grupa Macarena Ramirez startulisarde sar angluni grupa thaj von khelenas thaj djilabenas flamenco. Kadi muzika si phari te shunel pe kana naj o manush siklo te shunel kadi karismaticno muzika khaj si shutini barie emotciensa.

Jekh terni romani chej khelelas zurales shukar thaj e manush marnas bravo pala lengo showo.

Sar dujto grupa avilas e romani grupa Olah Gipsy Beats anda Ungro. Von startulisarde te djilaben thaj te khelen traditionalne djilanca thaj khelimatenca numa pala jekh skurto vrama vazde von opre o tempo thaj savori ando klub Roxy khelenas. E paja marnas savoren thaj konik chi kamlas te djal te khinel peske paji zhi pun lengo showo sas gata.

Sar trito thaj maj paluni grupa avilas e pindjardi grupa Taborshow anda rusia.
Akanak djukarlas e publika pe jekh baro show ke savori sas aba vojake pala e ungriko grupa.

Numa e grupa Taborshow chi birisardas te inkrel e bari expektacia so sas pe lende. Von djilabenas but romansura thaj e romansura si phare te shunel pe kana naj o manush siklo kadala muzikasa.
E grupa zumavlas te inkrel o koncerto zuvindo numa chi naklas kado lenge.
But manush mukle o koncerto thaj sas vi holjake ke e rusura chi birisarde te den jekh lashio romano show.

Angluni raci 30/5

E rachi las pe po muzicno klubo Roxy khaj e pindjardi grupa Kale anda Cheho startulisardas e vojaki rachi.

Kale djilabelas jekh romani muzika so si pindjardi e romenge ande Cheho, jekh muzika khaj sas drago bute manushenge numa vi te si kadi grupa lashi chi kerde von jekh lasho koncerto. E grupa chi areslas pe pesko normalno muzicno standardo.

Pala Kale avilas jekh grupa anda Serbia Orkestar Sasa Krstic, von vazde opre e sala peska balkanska romana muzikasa. Jekh muzika so vazdas sa e manushengi voja thaj von cirdenas trubi kade zurales thaj shukar khaj kerde ke sa e manush musajsas te ushcien te khelen.

Kana kadi grupa sas gata ghindonas savori ke chi avla sa kasavi voja maj dur po Roxy.

Numa kana avilas e nevi grupa anda Rumunia e grupa The Zuralia Orchestar chudisarde von savoren so sas kote po than. Von line te cirden jekh moderno stili khetanes shutino romana muzikasa anda rumunia.

Jekh muzika khaj vazdas e manushen ando extaza thaj konik chi kamlas te ashiavel te khelel thaj savori kerdjile brigake kana von agorisarde e angluni rachi.

Numa kate chi agorisajlas e pachiv ke sa e grupi gele maj dur ande restorano thaj line te cirden pengi muzika maj dur!

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".