Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Fotbolls EM le zuvlange cirdel bari publika

Publicime måndag 10 juni 2013 kl 14.00
Em Fotboll zuvlange
(3:40 min)
Foto: David Westh/Sveriges Radio.

Chinna 5 kurke chi ashile zipun o Svedo site khelel kharing e Dania ando europamästerskapet ando fotboll le zuvlange, E Dania aj Svedo site khelen ando Göteborg 10 Juli, aj abba bikinde intregi biljetura phenel o Göran Havik khaj si organisationschef po EM, khaj vi phenel ke khadale bershesko EM le zuvlange shaj avel o maj baro sportovo evenemang khadale bershesko ando Svedo.

O tunerin site khelen ande efta differenti forura ando Svedo, Khatar o Kalmar aj Halmstad ando söder zi ando Stockholmo ando norr, aj aba akhana bikinde kharing le 70 000 biljetura, aj dopireo lel pep a 5 kurke. O tunering zal 2 kurke aj o ghindo si te aven kharing le 30 000 zhene te dikhen o finalo po Friendsarena ande Solna 28 juli.

Göran Havik organisationschef anda EM, Pia Sundhage förbundskapten

O phenel ke o interesso kharing o zuvlano fotboll kherdjilas zurales baro, na ferik ando Svedo ferik ke vi internationalnie te dikhesa. Adjes phenel o Göran Havik si maj but terne zuvla khaj khelen fotboll sar maj anglal, ferik ke kothar khana le zuvlora den ande bersh shon o fotboll pe righ, aj khado khamel o Göran Havik te pharudjol.

E Svedoski nevi Pia Sundhage förbundskapten e, khaj maj anglal inkrelas le lag anda Amerika aj khaj linne vi OS aj VM guld, o angluno than ande sol duj tuneringar, possitivnoj ke akhana avilas phalpale pe pesko hemmaplan. Aj phenel ke kham maj but terne zuvlora lena khado po maj baro.

E Pia Sundhage pachal ke le Svedos si dosta lashe chansi te nirij, feri ke phenel ke trubuj te len pe sama khatar o Niamtso, o favorito ando tunering. Aj phenel ke e Dzsenifer Marozsan si khodi khaj si o baro hot, aj voj abba khelelas ande Bundesliga khana sas 14 bershengi.

Khana le reporterura anda SR International maladjile la Pia Sundhagasa, prezentulisarde vi e officialno dzili, Winning ground khaj o Eric Saade djilabel, khado sikhavel sar baro kherdjilas khado tunering ando Svedo phenel e Pia Sundhage, khaj po agor perasanca phenel, no ferik ke chak vov naj o Bob Dylan.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".