Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Radio Romano

Terne romengo drom ande Europa

Publicime tisdag 11 juni 2013 kl 12.52
Konferencia pa rom
(5:52 min)
1 av 5
Phuteripe pe konferencia "Young roma in Europe"
2 av 5
But terne rom anda 8 thema sas po than.
3 av 5
Diferentne workshops sas thaj e rom vorbinas ande maj cine grupi.
4 av 5
Diskusia mashkar e participantura ande cini grupa.
5 av 5
Sar te lashiarel pe e romani problematika?

Ande palune bersh sas but romane konferansura krujal ande europa khaj vorbij pe, sar e rom si te vazden pe opre ande jekh maj lashi situatcia.

Butivar avel o atveto ke e terne rom musaj te len kado ande peske vast thaj te keren variso.

Ando Tjeho sas jekh baro internationalno khedipe khas sas terne rom anda 8 europake thema, von beshnas khetanes thaj zumavnas te den pe gor so shaj te kerel pe te avel maj feder e romane ternimatonge ando Europa.

Kote sas vi kodo phendo ke adjes djal kodo te djan e rom ande kaver thema pe diferentne pocinde edukatci thaj kodoles birina von te keren e diferencia te avel maj feder.

Ramiza Sakipe anda e ternikani organizacia Feryp phenel ke adjes djal kado maj feder sar de 15 bersh kodolestar.

Ramiza Sakip sas jekh anda e expertura pe kadi konferencia khaj khidde pe opral 30 ternimata anda 8 europake thema.

Pe kado khedipe sas but vorbipe pe but diferentne pushimata so shaj te lashiarel e romengi situatcia. jekh anda e bucia so but djene kamenas te vazden sas e diferentne internchip, praktiki thaj edukatci so but thema den akanak e terne romenge.

Kado si jekh zurales lashi buci, phenelas o Robert Rustem khaj si sekretari ando ERTF numa vi te si kado jekh zurales lashi buci, chi birin but manush te aresen kado internchip.

Robert Rustem kamel te phenel ke mishto si kodo ke e manush djan ande maj uce skoli thaj pe internchip numa kodo naj dosta. Trobuj te kerel pe variso te len e rom maj but buchi.

O romano chavo o Irvin Mujcic anda Italia phenel ke musaj te sitcion e gadje e romengi historia khatar e India te djanel pe save pharimata sas e romen kusa e diskriminatcia, deportatcia thaj exterminacia.

Thaj vov ghindoj ke jekh pindjaripe thaj djanglipe pe e romani historia thaj kultura vazdela opre e romengo trajo ande Europa.

Jekh romani shej anda slovakia phenel ke si jekh drom avri anda pharipe thaj kodo si feri edukatcia.

Mashkar sa e manush so sas pe kadi konferencia sas e manushni Inger Linge anda Shvedo, voj sas kote sar jekh raporteri anda europaki konsilja anda EU.

Kadi konferencia inkerdjilas pe duj djes, po agor e seminariosko shute pe e terne rom khetanes thaj phende ke adjes i ungro jekh anda e maj phare thema ande europa e romenge kusa lengi politika thaj lenge diferentne gardi so si nasul e romenge.

Jekh anda e seminarioske konkluzi sas te skrin sa e terne rom khetanes jekh protestosko lil so sas te djal ando Ungro, mashkar savorende skirisardas vi e Inga linge anda Shvedo kado lil.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".