Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Romengi situacia ande Rumunia

Publicime tisdag 11 juni 2013 kl 13.19
Bennie Åkerfeldt
(5:17 min)
O Bennie Åkerfeldt si resande rom aj skirisardas kenvi pa le rom krujal e Europa

O Bennie Åkerfeldt si jek resande rom, aj kherel buchi te vazdel le romengi situacia na ferik ando Svedo feri vi krujal ande Europa, vopv butivar tradas pe kasave thana kothe khaj le romengi situacia si chaches phari, tradas kothe te dikhel so o manush shaj kherel te lasharel e situacia.

Kuko shon tradas vov ande Rumunia te dikhel sar e ekonomicno zutipe, chachimasa zhutij le romen ande rumunia…..

Phenel ke si organizacji kothe po than khaj zumaven te zutin le romen, aj jek anda le si e khangeri, ferik ke angla o Bennie Åkerfeldt chi kherel e khangeri dosta, phenel naprimier ke e khangeri khana zutij le romen, zhutij kasave romen khaj trajin ando foro aj khaj chachimasa naj khade chorimasa, trubujas te zan pe khodol thana kothe khaj le romengi situacia si sar maj chori, aj te zumaven te lasharen kodi situacia.

E situacia le romengi ande rumunia si jek anda le maj chore ande intrego Europa, kathe si rom kas naj khera aj trajin pe vulici ande phagerde khera, kothe kaj naj tachipe, isolering, vaj vogule kodo so trubuj le manush te del peske po agor, anda kahado si vi bare nasvalimata, maskra le rom aj lenge shavora, e phari situacia kherel khade ke le romenge shavoren naj vrama te khelen sar le khaver shavora, ferik vi lenge musaji te kheren buchi te anen love khere te shaj del peske e familja po agor, jek anda khadal shavora si jekhe 8 bershengo shavo khaj maladzilas le Bennie Åkerfeldtosa, o Bennie arakhlas les pe vulica sar mangelas love, aj o Bennie phenel ke e khangeri khaj chachimasa si te zhutij le romen, chinne chi shudas e jakha pe khado shavoro, aj vi phendo sas le turistonge tena den love khasave manushen, no o Bennie Åkerfeldt, chi shundas pe lende ferik ke das le shavores love, aj vi gelas leska dasa ande habeski bolta te khinen lake habe.

O Benny Åkerfeldt phenel ke le rom loshake sas khana vov reslas kothe po tan, ferik ke vi phenel ke le romen mindik si jek plano te den peske po agor po skurto, khado si jek problemo kaj le rom nakhen sako djes, khade ke chachimasa te phenes naj le vrama te planulin peske pe vrama maj angle, ferik ke musaji te len sakone djesesko problemok hade sar avel, aj khado kherel ke e buchi khaj trubuj te kheren te zutin le romen pe vrama maj angle shaj si dosta phari, khana le rom ekzene chi birin te planulin.

Jek possitivno bajo si ke khana resel o Bennie Åkerfeldt palpale ando Svedo aj lel te skirij artiklura pa khodo so vov naklas, primin le manush khado dosta mishto, aj khade vi vazden pe differentni reaktcji. Khade ke akana zukharel o Bennie Åkerfeldt te dikhel soske reaktcji vazdenape khana site skirij pa khadi resa kaj kerdas ande rumunia te dikhel sar le zutimaske love den zi khaj le rom aj sar khadal love shaj zan pe romengi hasna.

O intervju lesa kherdas o Veli Brijani.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".