Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

So te kheren le shavora milaje?

Publicime onsdag 12 juni 2013 kl 12.19
So te kheren le shavora milaje
(6:05 min)
Tigerungar. FOTO: Foto: Tom Svensson/Scanpix

Khana lel pe o milaj, kizdin le deja aj dada te kheren planura khaj te ingren peske shavoren, po paji, ando parko, vaj navet po zoologicno parko, khado si jek anda le favoritura bute shavorenge, khado bersh las pe o nevo delfin show po kolmården kaj bushol life, ame po radio romano khidam shavoren aj ingerdam le te shunas sar len khado chalol.

Khado zoo si o maj pinzardo ando svedo, aj shutinoj na dor anda Norrköping, kathe birij o manush te dikhel, tigren, levon, zebri, aj vi vilda zukhel………khado djes khana ame samas phelas pe vorta khade ke o kham pe amari righ sas, khade ke e vrama vorta khade sas te phirel peske o manush krujal o parko.

Angluno so o manush dikhel khana del ando parko, si le djur khaj si ando Svedo, aj khade phirindos reses khaj o aparium, khothe khaj shaj dikhes le majmen aj gorillen, kothar le djur khaj trajin ande savannah, sar kameler, po agor reses te dikhes vi le tigren, aj khado si zurales popularno maskhar le shavora.

Khana samas kothe sas e premiera ando marineworld, kothe khaj khadale bershesko delfin show sas te lel pe, aj khaj bushol life.

Aj khade dopasz pel duj, mukhle ame andre andek tunariko sobba, jekhe bare basenosa maskharal. Aj jek glaso phenel ke pashuvas kharing o Jorden e luma,

Intrego publika kerdjilas chiho, aj sar sas intrego baro falo, krujal o baseno parudzilas akhana aj kherdzilas sar jek televizia, aj khade birijas o manush te dikhel khodo so o glaso phenelas, khana kerdzile le delfinura, sosko trajo von trajin, aj po agor vazdas pe sar smoga, ande sobba aj khade linne aj hukle avrid uj delfinura, aj khade las e publika te marel bravo aj laspe o delfin show.

O show gelas 20 minuti, aj le shavornge phelas khado drago.

Maj anglal sas inke jek attraction pe khado Zoo, ke birijas o manush te tradel matorasa, aj te dikhel le differenti djur, anda peski matora, adjes abba naj khade anda kodo ke za baro trafiko kerdjolas, aj nas mishto chi kharing e natura, khade ke adjes si linbanor. Phenel jek anda khodol manush khaj kherel buchi po kolmården.

Aj khado khadej, ke beshes andek klattka, aj ingren tu krujal intrego parko, aj khade shaj dikhes girafon, tigren, vilda zukhel, aj vi lejon, aj kvi khado spännande sas le shavorenge.

E Malgosha phenel ke kathe o manush shaj avel peske shavorenca, ferik ke musaji te les sama pala le tenna hasajven.

No sar thena avel loshake sas le shavora, aj phende ke trubujas te si chansa vi khaver shavora te aven kathe.

Aj khado si jek anda le but aktiviteter kaj o manush shaj kherel peske shavorenca khade khana o milaj resel.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".