Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Khaj zal e granica maskhar e skhola aj e religia

Publicime onsdag 12 juni 2013 kl 12.22
Skhola aj religia
(3:36 min)
Foto: Janerik Henriksson/Scanpix

Akhana ken pe e vrama kana but klassi kheren e skolavslutningar, aj len o milajesko semestro, aj khana khadi vrama pashol vazdel pe butivar o pushipe sar o manush te inkrel o skolavslutning andek khangeri. Akhana si jek rodipe khaj dikhel perdal sar o manush te kherel aj khaj o granica zal. Sar si akana chi zhanen maj dur vareso konkretnie, aj anda khado shaj shon bare krav pe le rekotorura anda le skholi, phenel o Matz Nilsson khas si o sherutno anda Sveriges Skolledarförbund.

O debato pa khaj e granica zal maskar e religia aj tradicia ande skoli, vazdas pep o nevo dek dopash bersh khodoleske, angla o krechuno, atunchi khana o Skolverket shutas neve riktlinjer, pe khodol momentur asar naprimier pe le skolavslutningar. E riktlinjer shute pe khodol grundura kaj shute ando skollagen, ke e skola naj te avel konfessionel, ke naj tal phangli khaj varesoski religia.

Shaj inkren le skolavslutningar ande khangeri, no ferik ke atunchi naj slobodo ot o rashaj te rudjij vaj te aldij le studenton. So shaj kheren ande khangeri si te djilaben e dzili "den blomstertid nu kommer", iva e djili si jek psalmo, phenel o Skolverket.

Aj khado vazdas bare reakcji, le kristianitsko gazeta Dagen, vazdas jek upprop khaj shute leske o anav Adventuppropet, aj khado sar jek protesto ke chi mukhen te avel religia pangli pe thana kothe khaj trubujas, sar po julavslutningar. Aj vi o utbildningsminister o Jan Björklund inkrelas khado gindo. Jek rashaj trubujas te phenel le shavorenge sostar len si jullov, aj so khado znachij vaj kherel innebära. Aj ando Januari khado bersh shute jek rodipe anda utbildningsdepartamentet, o rodipe site dikhel perdal khado pushipe.

O Matz Nilsson anda Skolledarförbundet khamel ot le roditora te den po agor sa kodo so o Skolverket achardas angla krechuno.

O Matz Nilsson kriticnoj kharing o Jan Björklund, ke shutaspe ande khado debato, khado vazdel jek konfuzia aj atunchi le rektoron naj jek konkretno zanglipe khaj aj so von site kheren.

Aj iva shaj avel khade ke but anda le rektorura chi dikhen le skolavslutningar sar varesosko baro problemo, maj dur importantnoj khado pushipe sar tena avel phenel o Matz Nilsson.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".