Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Radio Romano

David Tiser zhutij romane hbtq ande Praga

Publicime måndag 25 juli 2016 kl 09.31
David Tiser
(7:16 min)
David Tiser
1 av 4
David Tiser
David Tiser
2 av 4
David Tiser
David Tiser po Khamoro Foto:Khamoro
3 av 4
David Tiser po Khamoro Foto:Khamoro
David Tiser po Khamoro Foto:Khamoro
4 av 4
David Tiser po Khamoro Foto:Khamoro

David Tiser si jekh terno rom anda Tjeho, vov si puterdes homosexualno, vov chi garuvel kado thaj vov trajij kadalesa.

O David Tisher anda Tjeho si adjes puterdes homosexualne thaj puterdas jekh romani organizatcia khaj si te zhutij e romane HBTQ ande intrego tjeho.

Vov djanel ke kado si jekh baro tabu ando romanipe numa las sama ke sas but rom so sas ande hbtq gruppa thaj ke but manush sas avri shudine khatar penge familji thaj kodolesa vazdas vov opre kado te birin vi von te arakhen varisavo zhutipe.

Ame maladjilam e romesa David Tiser ande jekh kafeteria mashkaral ande Praga.

Ame shundam ke si jekh romani hbtq organizatcia ande Praga thaj maladjilam e sherutnesa anda e organizatcia Ara art.

David Tiser phenel ke vov serelas sar leske sas kana vov djanglas avri ke vov si homosexualno, vov serelas sar savorri dikhenas pe leste thaj so savori vorbinas.

Leske sas kodo phares numa na feri kodo, leske sas vi kodo phares ke vov djanelas ke kado si tabu ande leski romani gruppa.

Vov phenel sar vov avilas avri kodolesa ke vov si homosexualno... Leske maj pashe amala djanenas ke vov sas homosexualno numa na leski familja.

Tavid Tiser chi phendas mujesa varikhaske ande familja ke vov si homosexualno feri boldas jekh dokumentarno filmo thaj muklas kodo ande tjehicko televizia thaj pala kodo tradas vov ande Bulgaria.

Kana dikhel o David Tiser pe pesko trajo thaj ke vov avilas avri loshal vov kadalestar adjes, vov phenel ke vov djanel ke sas leske thaj leska familjake phares, numa akanak achiarel vov ke maj feder si leske thaj maj lokho si leske ke naj musaj te hohavel maj dur sar maj anglal.

Ke o David Tiser birisardas te sikavel ke vov si puterdes homosexualno thaj but manush dikhen ke kado djal, mangen but rom lestar zhutipe sar te keren.

Anda kodo puterdas o David Tiser jekh linja khaj shaj te vorbij pe vaj te skrij pe lil vaj mail thaj te pushel pe pa zhutipe thaj o Davit Tiser thaj e kaver so kote keren buchi zhutin savoren so mangen kodo lendar numa vi kodo si ekcera komplikovano phenel o David Tiser, ke vov nashtik te phenel e romenge dja avri thaj phen ke san homosexualno feri trobuj pe te vorbij pe khetanes thaj te dikhel pe vaj kodo djal te kerel pe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".