Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Migrationsverket musaji te sichol pa le konvertiter

Publicime torsdag 13 juni 2013 kl 10.24
Migrationsveket te sichol pa konvertiter
(2:43 min)
Konvertit so khodo manush khaj pharudas religia, aj khana von aven ando Shvedo te roden azylo ke pheren ando problemo anda khado, trubuj o Migrationsverket te zhanel sar te len pe kasave situacijenca.

Akhana si o Migrationsverket maj feder vaj maj chaches te kherel bedöma le manushen khaj si konvertiter aj khaj aven te roden azylo ando Shvedo. Von line kritika ande paluni vrama, k enas le dosta zanglipe, pa le manush khaj si ande khasavi situacia, ke pherel le problemo anda khodo ke pharude religia, aj anda khado las o Migrationsverken aj o Sveriges Kristna Råd te sicharel le manushen khaj kheren buchi khadalesa. O Carl Bexelius, khaj si tillförordnad biträndade rättschef anda Migrationsverket, phenel ke angla les nas vareso chores pe khodi buchi khaj o Migrationsverket kherlas maj anglal.

O utbildning khaj le manush anda Migrationsverket site nakhen, si te del le zanglipe sar maj feder te len le decizji khana avel khaj khodol situacji ke manush roden azylo anda khodo ke pharude religia aj pele ando problemo. O utbildning si o Sveriges kristna råd te del, aj von si khodol khaj dinne sas e kritika kharing o Migrationsverket, aj lengi buchi. Jek anda le punktura sas ke khana o Migrationsverket lelas le dicizji shuvnas za but pharipe pe fakta, o Migrationsverket pushnas khatar le manush vaj von birin te phenen sar le lärjungar le jesusoske bushonas, aj sode khenvi si ande biblia. Aj khadi naj lashi methoda te des po agor le problemosa phenel e Kristina Hellqvist, khaj si handläggare po flykting och integrations pushimata anda Sveditsko khangeri.

O problemo naj ferik ke pushen le chore pushimata, phenel voj. Si vi but fördomar kharing le religji, aj khate chi ruznij pe o Migrationsverket, ke vi len si le fördomar.

Le utbildningar site len pe khado shon o juni, aj site djan zi khaj e tomna. Sosko effekto khado utbildning dela le manushen khaj aven te roden o azyl anda khodo ke pharude religia, chi khamel o Carl Bexelius anda Migrationsverket te diskutulij.

O reporteri sas o Anton Dyrssen anda SR International

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".