Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Radio Romano

Milajesko buci - Sommar jobb

Publicime torsdag 20 juni 2013 kl 13.06
Sommarjobb
(7:50 min)
Milajeski buci

Kado kurko beshen but ternimata khere ando shvedo thaj pehenin penge pala jekh lungo skolako bersh, thaj akanak si len sommarlov

Bute ternimatonge si kado jekh pehenimaski vrama thaj kaverenge si kado jekh buciaki vrama, ke kana si sommarlov zumaven but ternimata te len penge jekh sommar jobb, jekh buci tela e milajeski ferija.

16 bershengo Rafal si jekh anda e ternimata so las jekh milajeski buci ande Akalla by so si ando Stockholm.

Rafal si 16 bershengo thaj vov kerel sommarjobba milajeski buci pe akalla by khaj si jekh parko ande Akalla.

Vov kerel buci sako djes khatar luja zhi khaj o parashtuj khatar 9 - 14.00.

Kado si jekh purano parko khaj si jekh plaskdamm, but zverura sar grastora, guruvniora thaj balora thaj vi but cine kherora diferentne stugi, kote si aktevitetura intrego milaj e chavorenge thaj kavere manushenge.

Rafaloski buci si te inkrel kodo than uzho thaj te avel khetanes e chavorenca so kote aven.

Rafal si jekh anda 4500 ternimata so line buci khatar e komuna ando Stockholm.

Ando Stockholm das kado bersh e komuna avri karring 5500 bucia thaj ande uni thana ando stockholm sar Järva thaj Hägersten das e komuna extra but bucia, te birin e ternimata te keren buci milaje.

Stockholm si jekh komuna khaj del pe but bucia e ternimatonge ke ande kaver komuni ando Shvedo si e situatcia maj phari sar exemplo si zurali phari konkerencia pe milajeske bucia ande Västra Götaland kote sas 7 000 bucia avri dine thaj vi te ashundjiol pe 7 000 bucia but si kado feri 3 bucia pe 100 ternimata.

Dan Gabrielsson anda LO ande Västsverige si kriticno karring kado thaj phenel ke trobunas e komuni te len maj bari responsebilta te avel garancia sa e 17 bershenge ternimatonge jekh milajeski buci ando shvedo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".