Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Fas 3 chi del dosta zhutipe

Publicime torsdag 20 juni 2013 kl 11.30
Naj dosta zhutipe ando Fas 3
(3:38 min)
But zhene naj chale vaj nöjda po programo Fas 3. Foto: Scanpix

Feri jek anda 10 zhene khaj si bi buchako maj lungo vrama aj khaj si ando FAS 3 line buchi, aj khaj chi linne zutipe khatar o them. Aj dopash anda le manush khaj si ande khado programo acharen khade ke o Arbetsförmedling chi del le khodo zutipe khaj len trubuj.

Khado sikhavel jek rapporto khaj o Institutet pe arbetsmarknadspolitisk aj utbildningspolitisk utvärdering, vaj IFAU prezentlisardas adjes.

O IFAU dikhlas pherdal 250 000 zhenen khaj sas bi buchako jek maj lungo vrama aj khaj dinne andre ando maj baro programo anda Arbetsförmedlingen te arakhen bucha maskhar o 2007 bersh aj 2012 bersh.

O rapporto sikhavel ke so maj lungo vrama zal khaj o manush si bi buchako, so maj cinij e chansa te les buchi.

Maj bu tsar trin anda desh djene birisarde te arakhen peske bucha aj tenna len zutipe khatar o them vorta zipun sas te den ando fas 3, aj ferik jek anda desh linne bucha khana abba sas ando programo.

Aj te ginavela o manush le bucha sar nystartjobb, instegsjobb aj vi khodolen kas si lönebidrag, vaj lovengo zutipe, kerdjol e statestika inke maj lashi, maj bu tsar sako dujto araklas peske buchi vorta zipun sas te den ando fas 3.

E Sara Marinsson khaj si jek anda khodol khaj skirisardas o rapporto, phenel ke khado naj shudaso, ke le manush khaj si ande khado programo si dosta dur khatar a buchako marketo.

O IFAU vi dikhlas ande registrura ke uni anda Fas 3 chi linne khodo zhutipe kaj trubuj, zipun dinne ando programo. Feri 7 anda 10 linne khodi praktika vaj kodol kursura khaj so len trubunas. Aj e Sara Martinsson phenel ke khado nas zhukardo.

O Kristoffer Bogdanovic kherel buchi sar brobyggare le romenge po arbetsförmedlingen ando Malmö aj phenel ke phares ti phenes khaj e dosh chachimasa si.

Andek ankäta skirisarde maj but sar dopash anda le khaj si ando Fas 3 ke chi dinne le dosta zhutipe te rhoden neve bucha, aj chi te kontaktulin le firmen, te kherna jämföra le khaver faser. E Sara Martinsson maj dor.

O possitvno resultato ande khado rapporto si ke75% vaj trin anda shtar zhene chalej, vaj ke si nöjda ande khodi situacia khaj von si. Aj khado naj chachimassa feri possitivno resultato phenel e Sara Martinsson.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".