Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Internationalno

Diferentne romane dialektia keren phare te kerolpe jekh programo andi media

Publicime måndag 24 juni 2013 kl 13.06
Vinko Cener kotar o Publikservice ani Slovenia
(5:32 min)
Vinko Cener romano zurnalisti ano publikservic ani Slovenia.

Ande but thema avdive ko jekh than train diferentne vice romane, von vorbin diferentne dialketia thaj variacie e romane chibjake. Thaj kana trubun te edukinen e romane chavoren e romani chib ande shkole avel probljemi odoljestar so si diferentne variacie thaj diferntne dialektia. Vi andi media e romane programia arakhenpe akalje probljemosa. Savo dialketi ka vorbilpe ando programo? Amen arakhlampe e romane zurnalistas pe romani chib e Vinko Cener kotar e publikservice andi Slovenia, vov kerol buchi ano programo e anvesa "SO VAKERES".

Amen arakhlampe bare probljemonca, numa andjam jekh decizia kaj o intvjuia save kera e romanca pe diferentne dialektia mukha ljen te djan sar si. Amen na hinam profesoria te kera rodipe savo si o maj chacho romano dialekti thaj odoljestar kera buchi gade.

O programo kera pa e Slovensko romano dialkti savo akhardol "prekomorsi dialekt" savo me korkori vorbiv. Ani Slovenia avdive si pindjarde shtar diferentne dialektia "prokomorsi, dolenski, balkanski thaj sinti dialekt. O programo pe romani thaj Slovensko chib djal svako deshu shtarto dive ando angluno programo e Sloveniako kotar o 14:00 djik 15:00 chasia.

Te shaj ikljova kotar o probljemi thaj e kritika savi avol kotar e roma so na vorbilpe ljengo dialekti on arakhlje jekh solucia. On kerde jekh rubrika ano programi savo akhardol "sa o roma", odothe o korespodentia katar e diferntne thanan e Sloveniako bichaven artiklia kotar piro dialekti pire lavenca- vorbenca.

Akalje rubrika zumava te sikava e romane romani chib, thaj sa e dialktia te aven prezentirime ando TV programo. Me gindinav kaj gade shaj te nakhava maj mishto e kritika thaj sa e roma te hacharenpe sar jekh kotoer e programoske.

O Vinko Cener phenol kaj vov korkori sikljilo romane ane pire phure bersha, sar ljiljape te kerol buti e romane programonca thaj phare si, odljestar vi o intervju ljesa kera pe serbikani chib. Vov vi phenol kaj trubul te sikljolpe romane, odoljeske so but terne roma na djanen piri romani chib odova si cho indentiteti, musaj te djanen kotar ave chi historia sar vakere thaj o TV-programo shaj te te zutinol. 

Sar so phendem but terne roma andi Slovenia ladjan te phenen kaj si roma, thaj but ljendar na djanen te vakern romani chib. Odojeske me gindina kaj si but importantno te sikljolpe maj anglal piro dialketi sar vorbil ljeski vica thaj maj palal te shaj gindina thaj te vakera kotar e jekh standarlizacia e romane chibjaki ani media. Shaj mi te avol stabdarlizacia ake so o Vinko Cener phenda.

Sar kera buchi avdive si mishto numa maj dur shaj te vakera kotar e standarlizacia e romane chibjake. Pindjardo si kaj vorbilpe majbut se 400 variacia thaj dialketia e romane chibjake. Me gindinav kaj djal maj but se 20 bersh dji na avol varesoavo jekhutni chib ani media, odljeske so si but diferntne romane dialketia thaj kaj but roma na djanen te vakern romane ja se hasrde piro dialketo, phenda amnege o Vinko Cener Kotar

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".