Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Radio Romano

Romarådet shindas kontakto e forosa

Publicime onsdag 26 juni 2013 kl 14.04
"Chi djal kado"
(5:59 min)

Romarådet anda Helsingborg shindas o kontakto kusa o foro thaj a komunasa, chi djal te inkras jekh buci e forosa kana o foro chi kamel te pocinel amenge anda amari buci thaj anda e vrama khaj ame hasaras amare love pa amare bucia kana ame djas pe kadal khidimata phenel o Jon Pettersson so si sherutno anda Romarådet Helsingborg.

Romarådet Helsingborg si jekh gruppa rom pe 12 rom anda 6 romane gruppi so trajin ando foro. Von si te zhutin e foros te keren jekh lashi buci thaj e buci djal mishto, numa kana khiden pe but khidimata hasarel pe vi but love.

Jon Pettersson phenel ke anglunimastar lelas vov love palpale khatar e kommunaanda peski hasardi vrama pa leski kaver buci, numa kado shindjilas jekh djes thaj vov chi djanel sostar.

Bengt Avedal si förvaltningschef ande Helsingborg thaj vi sherutno ando styrgruppen pe romani inklutadcia. Vov phenel ke e komuna soha chi pocinel love khaj diferentne buciake grupi ke kodo naj e foroski principa thaj phenel ke si chachipe ke o Jon Pettersson lelas love numa kodi nas leski decizia feri jekhe manushni so chi djanelas save principi si ando Helsingborg.

Jon Pettersson phenel ke kado si chuddno ke o foro Helsingborg chi kamel te pocinel love khaj e romaråds gruppa ando helsingborg.

Vov del jekh konkretno exemplo ke si jekh romaråd ande jekh kaver pilotkomuna ando foro Göteborg thaj ke kote line e politikura decizia te pocinen e romen anda lenge bucia kana von djan pe e diferentne khidimata.

Bengt avedal phenel ke djanel ke o foro Göteborg pocinel peska romaråd numa kodo si lengo drom thaj e komuna Helsingborg inkrel kaver ghindo.

Jon Pettersson del atveto pe kado thaj phenel ke chi djal te kerel pe idealno buci e foroske kana si kade but buci thaj kana si e manushen kaver bucia so hasarel pe pe kado.

Bengt Avedal phenel vi kodo ke len sas jekh lashi buci khetanes angla kado thaj kamel maj dur te kerel buci kusa o romarådet numa kodo musaj te kerel pe bi ekonomiaki kompenzatcia

Integratciako ministro Erik Ullenhag chuddisajlas kana shundas pa e sitautcia ando Helsingborg, vov phenel ke chi djanel savi si e situatcia kote numa phenel ke si importantno te inkren pe e pilot komuni e romenca ande kodol forura.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".