Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Arbetsmarknadsdepartamentet shutas khetanes jekh romani referensgrupp

Publicime måndag 1 juli 2013 kl 10.10
Erik Ullenhag pa romani referengruppa
(3:48 min)
Erik Ullenhaga FP, integarciako ministari ano Shvedo.

Ande paluno kurko birisardan tume te shunen ke Arbetsmarknadsdepartamentet shutas khetanes jekh romani referensgrupp khaj si te kerel buci kusa e strategia ande e romani inkludatcia. Kadi grupa si te sas shutini khetanes te birij kadi buci te djal mishto avri kusa e romani inkludatcia thaj te areslel pe kote khaj kamel pe ando bersh 2020, phenel o integratciako ministro Erik Ullenhag.

Kadi romani referensgrupa si shutino kusa 20 rom kadal rom sas korkori alosarde khatar e rom ke e rom ando shvedo birinas te den propozalo pe kodol rom so trobunas te beshen ande jekh referens grupa.

Integratciako ministro Erik Ullenhag phenel maj dur ke sas but manush pe propozalo thaj pala kodo dikle von perdal kon birija te kerel buci kadale pushimatonca. Dikelas pe pala lendo djanglipe thaj von kamle vi te avel jekh struktura pe djuvlia, mursh, phure thaj terne. Kado naj kade lokho phenel o integratciako ministro ke e romani grupa si diferentno kusa peske grupi thaj e individi ke naj savorren sa kodo dikhipe pe problematika.

Numa jekh buci so sa e rom inkren khetanes si kodo ke e rom nakhen but diskriminatcia.

Jekh referensgrupa si jekh grupa so del informatcia vazdel opre pushimata thaj del vi atvetura pe kaver pushimata. Sar referensgrup si birij pe te lel pe decizi feri shaj te zumavel pe te kerel pe jekh efekto po parujipe. Pe kaver refersgupi sas maj angle kritika ke phenlas pe ke e departanetura khelenas pe e romenca. Ullenhag phenel ke kado naj jekh khelipe, ale kado si jekh referensgrupa thaj von chi den decizi kodo kerel o regeriungo thaj o riksdagen.

Integratciako ministro Erik Ullenhag phenel po agor ke te si te aresel pe khaj kado romani inkludatcia ando bersh 2020 musaj savorri te keren buci khetanes thaj musaj te anavel pe e romen ande buci, chi djal te kerel pe kado bi e rom. Sar exemplo phenel vov ke e von inkren jekh diskussia intrego vrama kusa e 5 pilot komuni thaj phenel ke von mangen extra khatar kadal komuni te djal e buci mishto e romenca, ke te na djala e buci mishto e romenca, atunci chi djala chi e romani inkludatcia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".