Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

Lape e politikako kurko ando Almedalen aj o pervo partia sas e Kristdemokarterna (KD)

Publicime måndag 1 juli 2013 kl 11.19
Almedalen o pervo djes
(4:43 min)
O Göran Hägglund so si cherutno ando Kristendemokraterna. Foto: Anders Foghagen/Sveriges radio

Aratchi lape jek nevo politikako kurko ando Visby Gotland pe o tan savo si akardo Almedalen. Kado si jek kurko savo si sako bersh pe sa kudo tan. O kurko si prinjardo pala kudo ke katka si jek djes sako partiake te shaj phenen sar von khamen te paroven ando Shveditsko politika.

O Kristdemokraterna sas o pervo partia savo lape opre pe o stena ando almedalen aratchi. Lengo partiako cherutno Göran Hägglund delas duma pa sar nas jek lasho situatsia de desh bersh parpale kana beshenas le socialdemokrater ando regeringo sar cherutne partiako. Vo phenelas pe sar o alliansen kaj von si jekh anda le partia parode but ando them karing o maj lasho.

O presscheffo anda Kristdemokraterna Johan Ingerö phenel ke jekh kasavendar kurko so si sako bersh del le manuchenge jekh chansa te ashunen djes djesestar pe sako partia so len si len te phenel aj pala kudo maj vuchoro avel lenge te alosaren pe kaste te den pengo glaso kana avel kaj e electsia sako shtarto bersh.

Adjes pe aratchake si te lanpe opre o Sverigedemokraterna so si vasdine sar jekh rasistno partia aj save silen jekh suralo gindo pe sar te keren pa e politika so si karing le avritemeski manuchen ando Shvedo.

Adjes diminatchi lengo cherutno Jimmie Åkesson sas ando Studio kaj o P1 morgon aj phenelas pe sar manuch gindin pe leste aj pe lesko partia.

O Jimmie Åkesson phenel ke but manuch diken pe leste aj pe lesko partia ke von si jek aggresivno manuchen aj ke von naj sympatiska manuchen. Vo gindil ke kado si pala sar boldel e media o patreto pe lende aj palal kudo ke kanagodi si jekh debatto mashkar le partia attunchi si jek specialno attitydo karing lende katar le kaver partia aj kudo vasdel jekh aggresivno patreto pa leste aj pa lende.

Pa o puchipe so vo gindil pa e politika so si karing le avritemeski manuchen save aven katka te roden butchi aj vi pa le manuch kaj aven katka aj si akarde bi lilengo manuchen so vorta adjes line o chachipe te shaj roden vi spitako jutipe aj vi ke shaj jan lengo glati andi shkoli numa ke naj len lila vo kadja penda.

Me chi gindivas ke me shaj parovav e politika karing invandrare pa jek djes aj me kaj kerdem butchi kon le puchimata pe le invandrare karing le bish bersh janav ke kado si jek lengo aj paro butchi te parovav le manuchenge gindoria karing kado. Numa so si michto si ke inke si o debatto pe kado aj kudo si o pervo drom te shaj avel variso parodo phenel o Jimmie Åkesson.

Majbut pe so phenda o Jimmie Åkesson adjes kana si lesko chansa te njeril majbut manuchenge glasoria shaj ashunen tehara kana avili e vrama te lelpe opre o Miljöpartiet.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".