Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

Majbut khera e studentonge si jek musaj ando bare fororia

Publicime onsdag 3 juli 2013 kl 08.40
Studentoski khera
(4:36 min)
O tem musaj te vasden majbut khera e studentonge kaj aven anda differentni tana ando Shvedo kaj le bare fororia te jan ando universitetoria. Foto: Hasse Holmberg/Scanpix.

Pra chira khera si vasdine kaj le studentoria ando sa o tem numa specialno ando Stockholmo. Akana si jek proposalia katar o Boverket te shaj avel maj letkoj te vasden khera. Te chi avela jek baro parovipe naj karing te jan le manuch kon kado problemo phenel o Theo Strömdahl Östberg kaj si ordförande ando Stockholms Student Centrala Organisation, vo vi phenel ke o behov si but suralo.

Dosta baro, ame si ame opral pe le 80.000 studentoria ando Stockholmo aj si ame ferdi karing le 12.000 studentosko khera. Te si ke o normalno kheresko marketo sas te avel vorta pe tan aj sas te avel jekh balanso attunchi nas te avel kadja baro o problemo, numa pala kudo ke vi mankil khera pe kudo marketo attunchi trubul majbut sar 12.000 khera pe o studentosko kherengo marketo phenel o Theo Strömdahl Östberg.

Emilia kaj beshel ando Gotland aj khamel te sichol ando Stockholms Universitet sas la dosta bare problemi te arakhel jek kher so lake musaj sas te lelpe tele katar kudo utbuldning savo voj khamelas te pirel ferdi pala kudo ke mankilas varikaj te beshel tala e vrama.

Na chi lav man pe kudo kurso pala kudo ke mankil man varikaj te beshav, mange but tristo si ke musaj te lav man tele katar kudo edjukatsia savi kamav te jav ferdi anda kudo ke naj varikaj te beshav phenel e Emilia.

But terne kaj khamen te sichon aj roden khera butivar si attchade katar individoria kaj mangen love pe maj angle te aloen avri lengo khera aj pala kudo von chasajvon le loventza.

Jo ame ashunas butivar pa studentoria save pucthinen bra but te aloen kher vaj so chasaren pengi love katar chor. Von si dine vorba ke shaj aloen kher ferdi te putchinen andre trin shonengo love pe maj angle aj pala kudo chi kher naj aj chi le love naj phenel o Theo Strömdahl Östberg

Te shaj aljarel o manuch pe sar chanchili o vasdinimos pe khera si jek examplo khatar o Boverket ke ando bersh 2002 sas vasdine 5700 khera studentonge aj o kaver bersh sas ferdi vasdine 540 khera studentoske ando sa o tem si kadala siffri aj vi pasha kado vasdelpe le studedentoria ando shvedo opral pa 400.000 studentoria aj angla sako termino aven raportoria pe sar avel maj paro e studentonge te arakhen studentoski khera.

Akana o alians regeringo mangle katar o Boverket te ankalaven jek proposalia te shaj vasdelpe o vasdinimos pe khera studentonge te shaj avel maj feder le studentonge. Vi shaj vasden kadala khera kaj si but bunto avri aj vi kaj shaj avel maj lesni le khera. O Theo Strömdahl Östberg si but possitivno karing kado

Ame sam but possitivno ke si te chanchion le bullerkrav kaj si adjes aj o adjesutno janglipe pe sar te vasden khera bi te ashunes pra but buller avrial si dosta lashe adjes. So ame dikas si jek possitivno utveckling aj chansa te vasdas majbut khera ando cantralno tana ande fororia phenel o Theo Strömdahl Östberg kaj si ordförande ando Stockholms Student Centrala Organisation.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".