Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

Le romska brobyggare anda Arbetsförmedlingen line tchache butchia

Publicime måndag 8 juli 2013 kl 11.12
Romane brobyggare line chacho butchia ando Arbetsförmedlingen
(3:54 min)
E Ivanka Stan brobyggare anda Helsingborg aj e Angeles Bermudez-Svankvist generaldirektör ando Arbetsförmedlingen aj o Kristoffer Bogdanovic brobyggare ando Malmö aj e Mirelle Gyllenbäck nationalno samordnare pa romsk inkludatsia pe o Arbetsförmedlingen. Foto: Anders Ljungberg/Sveriges Radio.

Inja shon ghelas de sar panch rom line buchi po projekto ando Arbetsförmedlingen te zutin kavere romen ando buchako marketo. Thaj e generalno direktorka e Angeles Bermudez-Svankvist sas kade loshaki anda projekto ke thela jek seminarium ando Visby das voj vorba pe stalo buchi vaj fasta anställningar intregone panche zienenge. Jek anda lende si o Kristoffer Bogdanovic, romano brobyggare anda Malmö.

O Kristoffer Bogdanovic najisij anda gratulacia kana o SR Internationals reporteri kherel lesa intervju.

Ando oktober o paluno bersh das o Arbetsförmedlingen panche romen buchi po projekto. Panch brobyggare sako jek ande jek anda pilotkomuni, kaj o regeringo alosardas ande buchi pe jek romani inkludacia ando svedisko them.

E brobyggares buchi naj direktnie te den bucha, ferik ke site aven sar jek länk vaj jek podo mashkar le rom thaj o Arbetsförmedlingen. Te den informacia ande organizacia thaj te zutin le romen te nakhen e dar vaj o problemo ke but ci pachape ande departementura.

Ferik ke vi prakticni bucha kehren le brobyggare sar exemplo zutin te skris jek CV vaj jek preparacia angla jek buchako intervju.

E diferencia shaj avel bari, ferik ke unji romenge o drom zi kaj jek buchako trajo shaj avel lungo, phenel e Mirelle Gyllenbäck, kaj kherel buchi nationalnie pe romani inkludacia ando Arbetsförmedlingen.

- Unji romen naj experiencia te zian andre ando Arbetsförmedlingen, vaj but ziene navet nas shoha. Thaj kadalesa birin te zutin e brobyggare, te kheren e reputacia po Arbetsförmedlingen te avel maj lashi, phenel e Mirelle Gyllenbäck.

Thaj aba pala inja shon buchi ando Arbetsförmedlingen, kherde le panch brobyggare pala djella kasavi lashi buchi ke e generalno direktorka e Arbetsförmedlingens, ghelas opre po podium thela jek seminarium thaj das e vorba ke site len stalo buchi sol panch ziene. Thaj voj vi phenel ke majdur site zial kadi buchi.

- Ame kamas te zias maj dur kadala buchasa. Manush butivar trajin pashe pasha jek jekheste anda kultura thaj kam anda kodo te zutin jek jekes ando trajo. Thaj anda kodo kamas te shas resursura vorta kothe. Thela jek dopash bersh dikhasa sar ziala, thaj succesivnie kamas te vazdas kadi buchi, phenel e Angeles Bermudez-Svankvist.

Ferik ke sar tena avel si kadi jek phari buchi kaj zukarel le romen. E diskriminacia kaj nakhen le rom barij thaj inkherdas shela bersh. Ferik ke aba akanak birisardas o Kristoffer Bogdanovic anda Malmö te zutij buthe romen te len buchi.

- Zi akanak zutisardem 11 zienen te len buchi ando Malmö. Ferik ke o maj importatno si ke vazdelpe jek nadzeja mashkar le terne, akanak si le jek departemento kaj acharel lengi problematika thaj birij te zutij le, phenel o Kristoffer Bogdanovic.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".