Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Koni le manush phala o Radio Romano

Publicime torsdag 11 juli 2013 kl 08.44
Radio Romano
(12 min)
Radio Romano

15 khaj le inja lelpe jek morgon möte po SR International, kathe beshen le producentura anda sako gruppa te den po agor savej le maj aktualni nevimata kadale djesesko aj soske artiklura sitan shute ande programura, aj kathe beshav vime adjes.

Kothar khana o producento das gata khado möte, lelpe jek intern möte, ame po radio romano inkras khado möte injango de tehara, aj kathe planulisaras so sako jek site kherel ando programo, save artiklura save reportazura aj save gila sitan shutine ande djesesko programo.

Aj khade lel pe e chachi buchi, sako beshel pe pesko tan aj kherel khodo so planulisardas e gruppa ketane. O Adam Parno Szoppe si khado kurko o program ledare.

Vov si o program ledare, khodo manush khaj inkrel o programo aj vorbij maskhar le reportazura, phenel le manushenge so von site shunen, aj vi del informacia pa le artiklura.

No ando programo naj feri programledare feri ke si vi khaver rolli, e Ramona Mutto phenel savej khadal rolli aj so o manush kherel khana lel perdal jek anda le rolli.

Khado kurko kerel e ramona mutto le nevimata, jek zurales importantno rolla aj khate musaji o manush te avel profesionalno aj seriozno, aj o pharipe ande kadi rolla si te birij te skirij le nevimata khade te acharen le le manush, aj vi te aloj le nevimata khaj si incherestni le romenge. Aj akana si e Ramona Mutto te phurij avri konni voj chaches.

Aj khadij e chachi ramona Mutto. Po Radio Romano kheren pachi 7 zhene uchi, ot te shaj inkren jek dopash chaso programo sako djes khatar o luja zi khaj o parastuj. O Veli Brijani e Agnes Lakatosz o Adam Parno Szoppe e Ramona Mutto me o Richardo Stankov o Peter Lindberg aj o Rikard Parno Jansson. Amari buchi si te nevisaras le romen pa le aktualni nevimata anda Shvedo aj vi pa le romengi situacia krujal e Europa. Kothar si vi phendo ke site zumavas te zuraras e kultura amare reportazonca, aj te zumavas te zuraras e romani ship, aj khado si jek anda le maj phare punktura amenge ande amari buchi, phenel o Peter Lindberg.

Khatar le dopash pel desh zi khaj le dopash pel duj pala mizmeri, kherel o producenta o programledare le reporterura aj khodo khaj kherel le nevimata buchi te shon ketane jek programo. Skirin manus, skirin telegramura, shon le artiklura po internet pe amari patrin, aj kothar khana sa gataj zal o programledare taj kodo khaj site phenel le nevimata ando studio, khado kurko chak o Adam parno szoppe sas o programledare, khade ke lem manca o mikrafono aj gelem lesa.

Adam Parno Szoppe, vov si jek anda le anglune kathe po Radio Romano

O Radio Romano naklas e desh bersh aj tela khadal desh bersh pharudzilas dosta but.

O Veli Brijani, pinzardoj bute manushendar, aj lesko passion si te kherel ot o radio romano te avel sar maj aktualno le romenge, leske importantnoj te avel o programo pherdo nevimatonca. Aj akhana avilas e vrama te pinzaren vi les.

O Radio Romano si jek romani redaktcia po Sveriges Radio, khade ke musaji te inkrel khodol linji vaj sirmi, sar e firma SR shol, naj sa ande amare vas.

O radio romano shute desar o regeringo shutas jek beställning khaj phenel ke musaji te avel jek programo pe romani ship anda khodo ke le rom si jek nationalno minoriteto ando Shvedo, aj khade lapse o Radio Romano, aj e angluni shaj phenes pe buchi sas e Agnes Lakatsz, no voj naj khado kurko pe buchi, ke milaji aj laspeske semestro, aj amen muklas te kheras e phare bucha…..E Agnes Lakatosz si ando grundo Socionom, aj voj de desh bersh kherel buchi le radzivosa, voj naprimier las e initiative te shon o radio chachimos, khaj zal jokvar andek shon aj khaj angagulij romane reporteron krujal e Europa, te bishaven amenge artiklura pa le romane nevimata anda lengo them.

De duj bersh khodoleske shute jek projekto khaj busholas komet. Aj khado projekto kherdas khade ke o Peter Lindberg aj o Rikard Parno Jansson birisarde te kheren buchi amende, khadal duj si sar o piff aj puff, von vazde la redaktcia aj dine la nevo trajo, le swedura phenen frisk luft….no morem khoni khadal duj.

MC vaj Must Carry, khado si jek nevipe khaj si musaj te avel ando program, sako gruppa musaj vaj te skirij pa leste vaj te mukhen les po radio, aj sako djes si jek nevo must carry.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".