Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

O Regeringo trubul te ton majbut love pe asylantoria

Publicime måndag 15 juli 2013 kl 09.21
Maj lasho flyktingmottagande
(4:08 min)
Foto: Fredrik Sandberg/Scanpix

O Shevdo chi len andre asylantoria sar trubun aj anda kudo musaj o tem te ton majbut love aj le asylantoriange te chanchijon lengo possibilita te alosaren kaj te len tan te beshen. Kado mangel o Sveriges Kommuner aj o Landstinget pe o Almedalsveckan vaj o almedalskurko.

Numa jek anda le kommunoria save line andre majbut asylantoria Södertälje phenen ke o SKL shaj gelino majdur ando lengo kravoria. O Staffan Norberg si kommunalråd kotche aj vo phenel ke o regeringo muken pengo responsibilita.

O regeringo garadape chira andi kadala puchimata, o responsibilita si todino pe panch vaj shov kommunoria pe kado puchimata pe le flykting aj invandrarpolitika.

Södertälje si kudo kommuna so line andre o majbut asylanroia tala le ultimo desh bersh te dikel o manuch pa che baro si o foro karing le kaver fororia. Maschkar le bersh 2003 aj 2012 rode opral pe 9000 manuch anda Irak aj Syria tan ando Södertälje, ando jek kommuna kaj trajil 65.000 manuch. Kado kerda ke o situatsia chi maj jalpe ando Södertälje phenel o Staffan Norberg pala kudo ke naj ferdi ke le asylantoria rode te aven kotche pala lengo desitsia katar o migrationsverket numa vi khamen te beshen kotche tala e vrama so ajukeren e desitsia.

De katar o bersh 1994 si le asylantonge o chachipe te alosaren kaj khamen te beshen tala e vrama so von ajukeren lengo desitsia, kado si jek opptsia savo karing le schtarvardesh procentoria kheren. Numa phala kudo ke but anda le asylantoria roden le tana kaj vuchem beshen le manuch kaj aven anda sa kudo tem phenen o SKL ke kado EBO-systemo so si adjes trubulas te avel stramosardo phenel o Anders Knape kaj si ordförande ando organisatsia SKL.

Le manuch beshen tala konditionoria kaj naj acceptovano, manuch si avri hasnime ando kado systemo, vi si but kaj mankil ando kado systemo. Aj attunchi chi khamas te las tele e possibilita karing o EBO numa trubul te avel jekh dikipe ke trubulas te avel jekh hyreskontrakto, vaj jekh dosta suralo panglipe vaj relatsia. Kado kheren te avel jek vorta situstsia kon o boende.

Numa ke khamen te ton maj suralo kravo o vänsterpartiako kommunalråd Staffan Norberg phenel ke kado naj dosta but, kadala formi anda kontrolloria nas te jal vorta.

Numa si vi partoria anda fororia aj anda intregi kommuni save trubunas te aven line tele katar o EBO-lagstiftningo vorta akana pala kudo ke o situatsia si akutno o Shvedo trubul te avel chira maj solidarno kana avel karing te len andre asylantoria.

Te si ke kado avela jekh chachimos attunchi le asylantoria nashtin te maj alosaren te beshen ande le tana ando Södertälje sar for examplo Ronna vaj Hovsjö.

O SKL del karing le 35 proposaloria sar te avel maj feder kana o tem len andre asylantoria. But anda le proposaloria si ke o regeringo musaj te del majbut love. Kana o tem lel andre asylantoria kudo si jek responsibilita todino pe o tem phenel o Anders Knape anda SKL so vi phenel ke o SKL aj o tem si pa jek karing kado aj ke o tem si kaj musaj te putchinen kado aj ke le lovengi jutipe save avel katar o regeringo adjes naj dosta but.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".