Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

HD anel jekh desitzia ke nashtis te aves dino duj verdiktoria pe skattosko chorimata

Publicime tisdag 16 juli 2013 kl 11.16
Nevo sakono karing skattosko chorimata
(3:34 min)
Foto: Sofia Tanaka/Scanpix

Adjes avilo e desitzia so sas ajukerdo khatar o Högsta Domstolen HD. Kudola kaj chochade pa skatto aj line skattetillägg khatar o Skatteverket aj vi sas dino verdikto ando kris shaj vasden resning so si te vasden lengo case deneves. Kudo konklusia line o HD adjes.

Manush kaj sas dine temnitsa aj vi kaj trubunas te putchinen o skattetillägg shaj aven mukline khatar e temnitsa aj kudola kaj vuchem beshle ando temnitsa shaj len jekh lovengo avriputchinipe khatar o tem palal kudo ke sas dine verdiktoria duvares.

O 13 juni avilo jekh desitzia pa skattetillägg aj skattosko chochaimata khatar o HD ke pala so si ramome ando le sakonoria khatar o EU nashtil jekh manush te avel dino duvar verdiktoria pa jekh case sar kana vi len jek verdikto te beshen pandade ando temnitsa aj vi len jekh verdikto te putchinen skattetillägg.

Pala kadala sakonoria sas vasdino o puchipe ando Shvedo te si ke le sakonoria ando Shvedo si vorta vaj naj. Aj o sakono so si ando EU pe kado puchimata si so toda o drom karing kado parovipe ando Shveditsko sakonoria akana.

Jekh panvardeshengo bershesko mursh kaj sas dino vi skattetillägg aj vi sas dino temnitsa mangla pesko case te avel deneves vasdino aj akana pala lesko aktsia vi si te avel vadino deneves but kaver caseoria so si banges kerde katar o kris.

Pala e desitzia so line o HD adjes sa le manush kaj sas dine duj verdiktoria de khatar o bersh 2009 shaj len o chachipe te mangen lovengo avriputchinipe pa e vrama so von beshle ando temnitza.

O Anders Perklev so si temeskoåklagare phenel ke si karing le jekh shell manush save si pandade ande temnitsi adjes pala kasavendar chorimata aj lengo caseoria si te aven vasdine te shaj diken te si ke si te mukhen len anda le temnitsi aj attunchi vi shaj mangen lovengi avriputchinipe khatar o tem pala e vram so von beshle pandade.

Kadja phenel o Eric Bylander kaj si dossento kaj o Uppsala universiteto pe sostar sas kadja ando Shvedo

-O Shvedo sas de durmut kado ke vi den avri jekh skattetillägg sj vi kheren jekh kris ando domstolen te diken te i ke shaj den avri jekh verdikto vi kotche.

Kado sas jekh possitivno modo te shaj des ando gor kon le manush kaj kheren chorimata kon o skatto. Numa pala le sakonoria so si ando EU bnashtil o Shvedo te inkeren pengo modo kaj den vi skattetiklläfgg aj vi den jekh verdikto ando kris karing le manush kaj kherde skattosko chorimata.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".