Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Majbut sjuksköterskor paroven tana kaj te kheren butchi aj chasajvel e kompetensia

Publicime torsdag 18 juli 2013 kl 10.06
But sjukskötersko paroven butchi
(4:18 min)
Foto: Lars-Peter Hielle/Sveriges Radio.

Pe but avdelningar ando e temsko spiti si kadja but parode le sjuksystrar ke kado adjes si jekh problemo. Kado sikavel jekh rodipe kerdo khatar o Ekot. But sjuksköterskor lenpe tele katar lengi butchia pala jekh skurto vrama aj kado kherel te mankil kompetenso pe le spiti. E Stina Söderqvist kaj si sjuksköterska kadja phenel pe kado.

-Me khamvas te jav angle aj te lav majbut janglipe aj kotche kaj me kherdem butchi truno sas. Nas kadja but manush te lav janglipe khatar ke von vuchem getosarde lengo butchi phenel e Stina Söderqvist kaj line tele khatar lako butchi kaj o hjärtkliniken kaj jekh anda le stockholmosko spiti.

E Stina Söderqvist la butchi kaj o ilsko klinika vorta kana la o examo sar sjuksköterska de schtar bersh parpale, aj adjes pala schtar bersh voj sas e sjuksköterska kaj kerda butchi e maj lungo vrama pe o avdelning kaj si but nasvale manush pe ilo. Voj vi sas cherutno maschkar le sjuksköterskor pe o avdelning aj vi sicharelas avri kaj le studentoria surales paro butchi pa ilo, aj vi sas ajukerdo te janel sa pe o butchi so von kherenas kotche.

-Me lem jekh baro responsibilita pa avrisicharimos kavrenge aj mange but drago sas kudo nume vi me khamavas te avav maj lasho pe o butchi so me kheravas.

O Ekot puchlas khatar sa le universitetosko spiti pa sostar si parodo kadja but le sjuksystrar. Aj ando Stockholmo aj Uppsala si phendino ke pala kudo kado si jekh problemo so trbul te avel ashado. Vi ando Skåne sumaven te kheren variso kharing kado specialno ando akutnojutipe ando le spiti aj pe o Sahlgrenska spita ando Göteborg si vi kado problemo vramasa univar.

Pe kaver rika dine ando gor kon kado problemo maj michto sar for examplo ando Linköping. Numa pe tana sar Örebro aj Umå mankil sjuksystrar majbino aj von chi acharen kado problemo.

O P-O Sundberg kaj si Hr-cheffo pe o Akademiska sjukhuset ando Uppsala so si jekh anda le spiti so si len kado problemo phenel ke kado del effekto kharing le manush kaj chi mukhel pengo butchi te avel kanagodi neve kollegoria pa butchi.'

-Normalno ke paro avel lenge, amaro manush kaj kheren butchi kataka si but lojalno aj jutin dosta but. Numa varisar von achren jekh effekto pala kado problemo aj e butchi maj paro avel lenge, aj anda kudo musaj amenge te las andre neve butcharni te avel lengo maj vuchor lengo butchi phenel o P-o Sundberg.

E sjuksköterska Stina Söderqvist phenel ke jekh effekto pe kado si ke le chefforia musaj te ton but vrama te roden neve butcharnia, vrama so maj feder trubunas te ton pe sar te kheren maj michto e butchi e manushenge kaj vushem kheren butchi kotche. Adjes voj kherel butchi kaj jekh privatno firma so den vård aj kotche si la kollegori kaj si len but experianca aj vi si la jekh efta mii kroni maj vucho putchinipe.

-Savore janen ke trubun te paroven butchi te shaj len maj vucho putchinipe aj kudo kherel te chasavol le kaver kliniki le manush kaj si len janglipe kana ferdi paroven le manush kaj te kheren butchi phenel e Stina Söderqvist.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".