Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Industriako semestro kerdzilas dagissemester

Publicime torsdag 18 juli 2013 kl 11.52
Industriako semestro
(5:25 min)
Le fabriki majanglal tele phandade sas thela o shon o Juli Foto: Ronja Mårtensson/SR

Zi kaj varesode bersh kodoleske, phandavnas but anda le shvedoske firmi tele tela varesode kurke ando Juli. Khado anda kodo ke e industri aj fabriki phandavenas thele aj intregi buchara lenas semestro. Sar si adjes chi phandaven le fabriki, aj e produktcija zal intrego bersh, aj iva khadej ashilas e vorba industrisemester maj dor. Khade sas khana o journalista o Lennart Hyland kherdas intervjua jekes khaj vorta sas te lel pesko semestro ando 40 bersh.

O Shvedo shutas o angluno regulo kharing semestro ando 1938 bersh, aj atunchi phendo sas ke sakone bucharnikos si tal dinno duj kurke pochindo semestro. Phala o dujto lumako maripe, dinne po agor le firmi aj le fack ke le fabriki sitan tele phandade tela o juli. Aj kade linne kado pachi intregi khaver fahura kharing pes, aj thela o juli khernas feri le manush ando servicefaho buchi. Khade ke telea varesode kurke, shaj phenes ke intrego them sas po semestro.

No adjes naj o Shvedo kodo industriako them khaj sas maj anglal, adjes e produktcija zal intrego bersh, khatar o jek milaj zi khaj o khaver. E dujto vice sherutni anda LO e Ingela Edlund serel khana o industriako semestro lelas te hasajvel, aj khado ando 80 bersh.

E Ingela Edlund phenel ke jek anda le atvetura sostar o industriako semestro hasajlas si ke a buchako marketo musajas te kherdjol anpassad khaing le khaver thema.

Jek rodipe khaj o Handelns Utredningsinstitut hui research kherdas sikhavel ke ekcera pharudam sar las semestro desar o industriako semestro hasajlas. Maj normalniej adjes te ulaven o semestro po intrego bersh. O Martin Karlsson si jek anda kodol khaj kerdas o rodipe.

Aj iva khadej, ashilas e vorba industri semester, aj maj dor khadej ke o Juli si o maj popularno shon te les semestro. But maj cine butikura aj bolti phandaven thele aj naj khade but manush ando kollektivno trafiko.

O Martin Karlsson phenel ke maj but len le familji kas si cine shavora, o semestro thela khado shon, aj sar si adjes abba naj e industria khaj inkrel ame te las semstro, feri ke le förskolor aj skoli, ke khana von thele phandadej atuchi musaji te ashen khere le shavorenca, khade ke shaj phenes ke hasajlas o industri semester aj akhana si dagissemester, phenel o Martin Karlsson.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".