Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

Adjes si o bershesko djes so sas o attacko pe o Utöya ando Norvego

Publicime måndag 22 juli 2013 kl 10.58
O attacko pe Utöya de duj bersh
(4:08 min)

Vorta adjes de duj bersh parpale sas o terroristno attentato ando Norvego pe o tan Utöya aj vi ando Oslo. Kado attentato vasda reaktzia krujal e lumja aj o bershesko dejs si vasdino pe but tana ando Shvedo. Kaj o Socialdemokraternas ternimatengo förbund sas o puchipe pa securita vasdino pala kada attentato phenel e Ellinor Eriksson kaj si förbundssekreterare ando SSU.

Normalno ke musaj sas amenge de das ame gindo majbut pe o secutita, ame musaj te das ame gindo pe e securita kaj godi jan amare memberoria anda SSU aj kudo naj jekh vasdino puchipe angla kado attentato.

O djes sas o 22 juli 2011 kana Anders Behring Breivik mundarda 69 manush pe Utöya. Majbut anda lende si ternimata aj sas pe jekh milajesko camp so o arbetarpartia anda Norvego kherenas. Ferdi chasondar angla o mundaripe sas jekh bombako attentato ando Oslo kaj le regeringosko khera sas mundarde 8 jene. Adjes sar si o bershesko djes si vasdino cermonia krujal o them phenel Ellinor Eriksson

Amare distriktoria krujal o them si te kheren differentni cermoni, si te avel koncertoria vaj ferdi cermonia kaj shaj delpe gindo le manush pe le manush kaj sas mundarde.

Jekh anda le cermonia si te avel adjes pe aritchake ando Malmö pe o tan Möllevångstorget, kotche si te avel jekh koncerto aj o Pontus Stenqvist kaj si o manush kaj kherel kado koncerto phenel ke le reaktcie sas but lasho kharing kado evento.

Sa le manush kaj puchlam lendar te shaj aven te djilaben sas le jekh possitivno reaktcia kharing o puchimata.

Numa ke naklo vuchem le duj bersh de khatar o attentato but shvedanoria si len pares te bistren so sas. E Ellinor Eriksson phenel ke importantno si te seres sostar sas kado.

Ame trubus te seras ke ternimata so sas politichno aktivano chidine sas pe jekh campo aj sas attackovano katar jekh extrimisto savo sas les rasistno gindoria. Kado vi kherel te inkeras o butchi kharing kadala munush kaj si len sa kudo gindoria sar sas leske. Kado djes tdubul te avel hasnime te sikavas ke lesko gindo banges si aj kanagodi si te avel banges.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".