Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Shavorengo saschipe khana vaj dej vaj det po meripej

Publicime onsdag 24 juli 2013 kl 10.33
Shavorengo saschipe
(3:20 min)
Foto: Claudio Bresciani/Scanpix

O psykiska saschipe khaj le ternimata, kaj hasarde vaj dades vaj deja ando cancer, shaj avel differentno, be khodo grundo, pa soski informacia le bolnicake buchara den le ternimaton thela o ostatno kurko khaj e dej vaj o dat trajij. Khado sikhavel jek nevi studia khaj e Karolinska institutet kherdas. Shavora kas nas bizijala ande le doktorura thela khadi vrama, len si pe duvareste maj bari chansha te den ande depresia maj angle ando trajo.

Ande khadi studia, dikhle pherdal 600 ternimaton khaj sas maskar le 13 aj 16 bershenge khana hasarde deja vaj dades ando cancer. Khadi si e angluni bari studia khaj kherde te dikhen sar le chavora acharen la bolnicako zutipe khana varekon pashe lenge merel.

Jek doktoro kas si maj bari responsibilita shaj vorbij le shavoresa khana lesko dat vaj dej po meripej, aj o doktoro atunchi vorbij pa o nasvalipe, sosko zutipe shaj den, aj savo zutipe abba chi zutij.

Aj te vorbija o doktoro le shavoresa pa khado, shaj del biziala le shavores ando doktoro, aj khade acharelape o shavoro vaj maj feder pe vrama maj angle.

Le shavora kas sas biziala kharing le doktorura, khadale shavoren sas 11% riziko te pecin jek depresia khaj si dosta zurali maj angle ando trajo, aj maskar le ternimata kas nas biziala, sas e siffra 25%. Khado sas o resultato anda rodipe khaj kherde publicera ande gazeta Journal of Clinical Oncology.

Ando hälso- aj sjuvårdslagen si jek skiripe anda januari 2010 bersh, kaj phenel ke o hälso aj sjukvården si te len le shavoren po baro, aj te den le khodi informacia khaj len trubuj, aj vi te zutin le te si khade ke lengo dat vaj dej si po meripe.

Aj e decizia soski informacia aj zutipe le ternimaton aj shavoren trubuj len le bolnicake buchara, aj iva kheren le buchara khodo so trubuj, si but khaj shaj kherdov maj feder phenel e Tove Bylund Grenklo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".