Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

Zlatan si jekh idolo kaj o Angelo aj Antonio aj line e chansa te dikhen les live

Publicime onsdag 24 juli 2013 kl 10.50
Zlatan jekh idolo
(6:13 min)
O Angelo aj Antonio diken lengo idolo o Zlatan Ibrahimovich pe o Tele 2 Arena ando Stockholmo kana khelda o PSG aj Hammarby aratchi.

Si tume jekh idolo? Uni manush si lenge drago differentni artistoria sar for examplo e Rihanna vaj o Justin Bieber aj uni manushenge si drago sportosko artistoria sar e Maria Sharpova vaj o Zlatan Ibrahimovic...

No me dem ma gindo pe sar te kerav kado reportago aj te ingerav varikas te shaj dikel pesko idolo aj te avav lesa te aljarav sar si te dikes chiro idolo.

Lem te janav ke si te kelel o Hammarby IF kharing o PSG Paris Saint Germain kaj khelel o Zlatan. Rodem jekh terno chavoro kaste si leske drago o Zlatan aj lem man te rodav biljetchi kaj o matcho.

Kana lem o mailo de duj djes parpale ke shaj avav te anav 3 biljetchi kaj o matcho dino khatar o presscheffo pe o nevo baro arena ando Stockholmo savo si akardo Tele 2 Arena attunchi sas man stresso te arakav kudo terno chavoro so si lesko idolo o Zlatan.

Pala dopash chaso arislam kaj o Tele 2 Arena savo si vorta pacha o Globen ando Stockholmo. Le Angelosko vero o Antonio sas amentza vo si deshe bershesko aj phenelas amenge andi matora sar vo acharda ke shaj dikel pesko idolo o Zlatan.

Kana avilam andre aj beshlam tele pe amaro platsoria aj dikasas avri pe sa o arena chockisajlam ke kadja baro sas, kado arena lel andre kharing le 30.000 manush aj adjes pe kado matcho sas kharing le 23.500 jene.

Diklam sar avenas andre le kelitororia anda vile duj chapatoria aj dikasas sa le bare staroria anda PSG sar o Verratti, Motta, Lavezzi, Pastore, Sakho, Maxwell aj o Zlatan tacharenaspe aj kelenas kon o fotbollo.

Panch minutchi angla inja lape o dejsutno presentatör te phenl sa le anava aj kana arislo kaj o anav Zlatan aljaren vi tume sar sas e reaktsia andre ando arena.

O matcho lape aj o PSG kelenas naj ferdi fotbollo numa vi kelenas kon o Hammarby, O Hammarby kam sas le jekh vaj duj chansoria te pashon karing o golo numa nas chi pashe. Numa på dujto vas chi o PSG chi kherde golo ando pervo halvlek aj le reaktsia khatar o Angelo aj Antonio nas kadja lashe.

Kana lape o dujto halvlek dikavas ke mankil varikon ando PSG aj vi le chavore dikle kudo. Aj sar diklam vorta sas o presentatör phenelas ando mikrofono ke o Zlatan parodape avri pe varikas kaver aj le muja pe le chavore sas chira tristo numa fugo naklo ke pala 2 minutchi o Chantome kherdas 1-0 kaj o PSG aj le chavore raduinas ke dikle o PSG te kheren gool.

Maj kherde o PSG jekh golo aj arislo o matcho pe agor aj o resultato sas 2-0 kaj o PSG, kana ashundam o biro te purdel ando pesko pipa ashunasas vi e reaktsia khatar o chinoro Antonio.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".