Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Carl Bildt pachal kaj o FN-inspektoria ka keren sig neutralno investigacia ani Syria

Publicime torsdag 22 augusti 2013 kl 12.04
Rodolep kotar o FN te kerolpe sig investigacia pa o gas atako ani Syria
(3:48 min)
Hundratals människor har dött i Syrien efter en misstänkt gasattack. Foto: Scanpix

Palji e informacia kaj alji erachi, kaj kerdape gas atako ando foro Damskus prekal e civilia ano maripe savo djal ano them i Syria but thema keren kritika thaj zoralje roden te kerolpe jekh neutralno investigacia. Perkalo disave informacie motholpe kaj ando akava kemisko atako mulje kotar e 400 dji ke 1 300 manusha. E shvedosko ministari e avral e buchengo o Carl Bildt avdive ano P1 morgon phenol kaj musaj te kerol o FN sig ivestigacia po than.

O Carl Bildt phenol kaj o FN generalno sekretari musaj te del instukcie te kerolpe jekh neutralni investigacia po than kaj kerdape akava gasesko atako. Thaj pachal kaj e decizia ka delpe avdive. Thaj vov vi pachal kaj e Syriako regimi na ne te komplicirinol e inspektorengi buti.

Ano puchibe si mi javer droma te kerolpe vareso pe akija situacia, so shaj e EU te kerol o Cral Bildt phenda gade.

Na naj javer droma sar te kerolpe buchi pe akava puchibe. Numa o FN si lje mandati, thaj amen na ne te kera underminera akava. Uzalo odoav so e EU del zoralji kritika pe akava gasosko atako musja e expertia te keren piri buchi thaj von si e FN inspektoria save si po than, phenda o Carl Bildt shevdosko ministari e avri themutne buchenge.

E FN:s inspektoria si andi Syria, save mashkar ljende si vi jekh kotar o shvedo vov si vi o sherutno akalje grupake te kerolpe investigacia, ljesko anav si Åke Sellström, von arakhenpe numa varesave mil dur kotar o than kaj kerdape akava kemisko atako prekalo e civilia.

E FN-s vice generalno sekretari o Jan Eliasson gindol thaj pachal kaj o arakhibasko concilo ando FN ka rodol sig te kerolpe jekh neutralno investigacia po than kon kerda kava kemisko atako.

Uzaloodva kaj rodolpe jekh sig investigacia e inspektoriengi kotar o FN, te avolpe dji ke odva than avarl o foro Damskus musaj o regimi te del dozvola odoljeske.

E fotografie kotar e gasosko atako, mothoven jekh kotar e maj chore thaj bi lache situacie dji akana savo sas ano maripe savo djal andi Syria. Von mothoven sar e dukhade manushen pashljon pi phuv ano jekh improvizirimo than kaj den lljen zutipe.

Shaj ashuen kaj jekh phuro dela vika kaj nashti te zutiljen, but djen nashti te phurdena, cikne chavore sas andi koma, chorena paj pe ljende, dena te pijen numa khanchi nashti zutila aklje manshune, ashunesa sar cepin thaj khoni nashti te zutinljen.

Prekal e opoziciaki grupa von phen kaj akav kemisko atako prekal e civila kerda o regimi, odljeske so e rebelen naj kapaciteti te keren jkeh gade atako. Numa o regimi demantinol akava thaj phenen kaj von na ljen rensposibilita pe akava so kerdape thaj kaj von na kerda kava.

Thaj vi e Rusia savi si alierad e regimo demantuinol kaj akava atako si prikladno e rebelenge, akana kana e FN-inspektori si po than.

Erachi but thema rodindje kotar o regimi dozvola sig te kerolpe jekh investigacia, thaj te mukhenpe andre e FN-inspektoria po than te kern piri buchi.

Numa phanda na dilndje ljen atveto ka mukhen mi e FN inspektorien te aven po than.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".