Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Vänsterpartiet inkrel pesko kongreso

Publicime fredag 10 januari 2014 kl 11.45
V kongres
(3:58 min)
Jonas Sjöstedt anda Vänsterpartiet.

Adjes startulij e politicno partia Vänster partiet peski kongressa ando Stockholm.

Kadalesa startulin von pengo politicno bersh thaj keren preparatci ande partia angla e duj bare alosarimata so avna kado bersh.

O alosaripe khaj o EU - EU-valet thaj o baro politicno alosaripe khaj o Riksdagen ando September.

Thaj kadal preparatci angla e alosarimata avna vi bare punktura ande kado kongresso phenel e Jonna Sima so si politicno redaktoro pe gazheta Dagens Arena.

Jonna Sima so si politicno redaktorka po Dagens Arena voj phenel ke voj pacal ke avla but vorbipe po kongreso po Riksdag, kommun thaj landstings alosarimata so avna ando September numa avla vi vorbipe sar e partia si te inkrel pe ando majo kana si o EU-valet o alosaripe khaj Europako parlamento.

Jonna Sima phenel ke e partia musaj te kerel preparatci sar te keren von jekh lashio alosaipe te na hasaren bute alosaren. Ke ando paluno alosaripe las e partia feri 5,6 procenti thaj kodo sas jekh hasaripe khatar 12 procenti po 5,6 procenti tela kodol 4 bersh.

Akanak vazdas pe e partia ande opiniake rodimata thaj si pachape ke e partia lela karring 8 procenti.

Vänsterpartiet inkrel pe zurales but ande jekh pushipe thaj kodo si välfärden thaj von kamen te hasajvel o njeripe ando välfärden.

Thaj kado zuralo inkeripe ande jekh baro pushipe shaj te kerel ke manush feri dikhena kodi partia sar jekhe pushimaski partia.

Kana o sherutno anda Vänsterpartiet  Jonas Sjöstedt sas adjes ando P1 phendas vov ke dostaj te avel kado njeripe ando välfärden thaj phendas ke si len vi kaver pushimata numa von kamen te sikaven savo pushipe si lengo maj zuralo akanak.

Jonas Sjösted phenel ke avla vi kaver pushimata pa buchi, buchiako marketi, klimato, jämställdhet, numa von kamen te sikaven ke von inkren pengo profilo kadalesa thaj save prioritatci len si.

Thaj kodo si te na aven njeripe ande välfärden sar skoli thaj bolnici, von chi kamen te aven riskkapitalbolag ande välfärden.

Numa vi te djala e partiake mishto ande Riksdagsvalet shaja von te peren ande jekh opozitcia ke o Stefan Löven anda Socialdemokraterna phendas maj anglal ke vov shaja te inkrel jekh regeriungo kusa Centerpartiet thaj Folkpartiet.

Jonas Sjöstedt phenel ke vov chi kamel te inkrel pe ande jekh koalizatcia kusa borgliga parti sar Centerpartiet thaj Folkpartiet thaj pacal ke maj feder avilov te avel jekh lolo zeleno khetanipe ando regeriungo.

Jonna Sima anda Dagens Arena phenel ke kado so o Stefan Löven phendas naj kade zuralo ke voj ghindoj ke e Socialdemokraterna kamen maj sigo te inkren pe kusa Miljöpartiet thaj Vänsterpartiet thaj ke kodo sas phendo sas feri jekh rodipe pe maj but zor te na avla dosta kusa e lole - zelene.

Sar avla pala alosaripe dikhela pe atunchi, kado kongresso so Vänsterpartiet inkrela akanak zurarla a partia ghindoj e Jonna Sima ke voj pachal ke o balval purdel lenge dromesa ande e politicno righ.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".