Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Insatso pe problematicno shavora site khidel love

Publicime tisdag 4 november 2014 kl 10.34
Preventivno buchi kusa e cine shavora
(3:44 min)
Foto: Janerik Henriksson/TT.

Problematicni ternjimata thaj shavora kheren but love le themeske thaj ande buth kommuni kheren akanak preventivno buchi le shavorensa.

Jekh nevi studia sikhavel ke opruch e problemura kaj e manush nakhen, si vi bare love o te aven khidine pe preventivni insatsura. Efta zi kaj e ohto koroni pe sako korona shutni si si o zutipe lasho thaj le lel les o shavoro ande vorta vrama.

O Andreas Nygren, phenel ke leske aba e njisko shkola sas problematicno, thaj phenel ke kamlov les te del zutipe o them majsigo kana sas ternoro.

[Duration:0:36]

- De katar ke simas problematicno karing e sikavne, lem hirtelen te phagrav bajura, te kherav mobba kavere shavoren, te chorav, inkherdzuvos pasha tunnelbani, phagros felastri, thaj ferik kerdzolas majbut thaj majbut, phenel o Andreas Nygren.

Kaj majdur phenel ke kana sas ferik 17 bershengo aba beshlas ando srresti o angluno razo ande lesko trajo, thaj kado pala kode kherdas ke maj angle ande pesko trajo las ohto bersh temlica.

E kommuna kherde insatsura karing o Andreas, kado znachijas sar exemplo ke vo pharudas shkola shov razura ferik ande njisko shkola vaj lågstadiet.

Thaj kado si so o nevo rhodipe sikhavel katar o Uppsala universitet khetanes kusa Skandia sikhavel ke si koshtovnie ande maj lungo vrama.

O gindo si zamias te mudares e jag, o te shon love pe preventivno buchi ando fokuso pe cine shavora kaj si problematicni. Atunchi birij sako investovano korona te del palpale zi kaj e eftra, ohto razura thela jek perioda pe 15-bersh.

Kado kheren ke den le daden thaj le dejan supporto ande pesko kontakto peske shavorensa kana si cinona, phenel e Anna Sarkadi, specialistka ande soacialno medicina thaj docentka ando Uppsala universitet.

[Duration:0:16]

- Te si ke o manush boldel kado e shavoreske sigo kusa jek anda le programmura, atunchi aba khidelpe love o angluno bersh. Anda kode ke csinjaras e rizikura ande diferetni koshtovi negativno fallura, phenel e Anna Sarkadi, specialistka ande soacialno medicina thaj docentka ando Uppsala universitet.

O modello kaj site khidel love si ginado pe sode love o them khidel ke e shavora maj angle ando trajo chi len psykosocialni problemura ando buchako trajo, sar exemplo problemo addiciasa.

Le Andreas Nygrenoske sas lesko drom ando trajo but briga leske thaj vi kodolenge kaj si pashe leske. Thaj adjes vorbij vov ternjimatonge pa leske experienciji ande peski buchi karing addicia ande draba thaj ando alkoholo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".