Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Stockholmosko Internationalno Filmfestivalo lelpe adjes

Publicime onsdag 5 november 2014 kl 12.06
Stockholmosko Internationalno Filmoskofestivalo
(4:30 min)
Foto: Frank Radosevich/SR.

Adjes lelepe o Stockholmosko internationalno filmoskofestivalo aj kotche sikavelpe filmura anda sa u lumja. O festivalo si jekh opurtunia te arakhel o manush filmura anda tema so normalno chi arakhel o manush aj si sikhado pe e cini ando Shvedo phenel o festivalosko cherutno Git Scheynius.

- Pasha kudo ke shaj arakhel o manush khever temenge kultura, me gindiv ke kado si sar jekh filijastra kharing e lumja. Me dikhav pe filmfestivaloria sar jekh tradinimos krujal e lumja, te shaj dikhav tana kaj shocha chi gindivas ke si te arisav.

O Stockhomosko internationalno filmfestivalo perdjon 25 bersh kado bersh kusa o maj baro programo so sas le. 201 filmi anda 60 diferentni tema si te avel sikade tala jekh aj dopash kurko. 500 dati vaj visningar si te zal pe 9 diferentni cini.

Pe o festivalo si te avel gostoria so si filmengo butcharnia, vi prinjarde aj biprinjarde. Mashkar e maj prinjarde si e Uma Thurman aj o regisoro anda Britania Mike Leigh so vile duj si te len jekh hederspriso vorta sar vi e shvedistka regisoro Roy Andersson.

Jekh examplo pe jekh tem kaj chi dikhas but filmi anda khatka ando shvedo si Somalia. E drama "fishing without nets" so lel tan andi competicia si pa jekh somalitsko manush so astarel mashen aj chi lel andre dosta love aj dikhel ferdi jekh drom sar te del ando gor te del ando kriminalno piratverksamhet.

Aj kado si jekh khaver perspektivo ando filmo "fishing without nets" phenel o festivalosko cherutno Git Scheynius.

Pe o Stockholmosko Filmosko festivalo si te avel dino avri prisoria kaj o priso Bronsoskogras so si pe o maj lasho filmo si o maj baro. Vi si dino avri o priso kaj o bershesko "Rising star" vaj vasdino cherchaj, kado si dino varikaste so kherda jekh specialno prestatcia andi jekh drama aj shaj avel pe teharin o nevo staro.

Kado bersh si te avel sikhado jekh filma so akhardjol "O Toto aj leski pej" aj si pa terne chorore romane glati so musaj te den ando gor korkoro pala kudo ke lengi dej beshel andi temnitza. O regisoro si o Alaxender Nanau.

Kado filma si te avel sikhado o 14 novembero andi cini Zita Folkets bio mashkaral o foro ando Stockholmo pe o Birger Jarlsgatan 37 kaj o chaso shov aj dopash.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".