Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Zurali influensa avel

Publicime torsdag 6 november 2014 kl 10.44
"Khatar 100 zhi khaj 2000 shaj meren"
(2:57 min)
Influensa si po drom thaj del pe rekomentatci te djan phure te len vaccina Foto:TT

Influensaki sezona pashol thaj pachal pe ke kadi bersheski insfluensa avla maj seriozno sar khaj sas ande paluno bersh.

Akanak del folkhälsomyndigheten varningo ke maj but manush rizikulin te nasvajven kado bersh.

Mia Brytting khaj si sherutni po Folkhälsomyndigheten phenel ke voj pachal ke maj but phure nasvajvena kado bersh khatar e influensa so avla kado bersh thaj voj pachal ke zurali avla kadi influensa.

Tela kadi paluni vrama chi nasvajve but manush ande influensa numa ginavel pe ke pa na buteste aresela e influensa ando Shvedo thaj angla krechuno pachal pe ke avla sar maj phares.

Akanak del pe rekomendatci te djan e manush so si ande riskzona te len vaccina, e manush so si ande riskzona si kodol so si phure, djuvlia so si phare vaj manush khaj si kronicne nasvalimata sar exemplo diabetes.

Mia Brytting phenel ke vazno si te djan kadal manush te len vaccina ke kana si zurali e influensa meren dosta but manush sako bersh, mashkar 1000 zhi khaj 2000.

Influensa parudjiol vramasa thaj vi e manushikani defensia karing o nasvalipe e manusheski imuna, ande kado bersh pachal pe ke pale avla e svin influensa e balikani influensa numa naj sa kasavi dar adjes sar maj anglal ke naj kadi influensa nevi thaj djanel pe sar te malavel pe tele kado nasvalipe.

Akanak daral pe khatar neve influnsake formi ke kodol kerdjion nasul e manushenge.

Vi te del pe rekomendatci pe kodo te djan e manush te len vaccina si but manush khaj daran te djan te len vaccina, ke pala o bersh 2009 kana sas mass vaccinatcia ando Shvedo kana arslas e balikani influensa thaj karring 200 manush line narkolepsia khatar kodi vaccina.

Thaj kodo sikadjilas ande paluno bersh ke 20 procenti maj cerra manush ande kategoria 65 bersh thaj maj phure gele te len vaccina karing influensa.

Maj cerra manush line vaccina ande paluno bersh ke daran phenel o smittskyddsläkare Micael Widerström numa naj so te daran akanak khatar kadi vaccina ke kadi vaccina naj nasul thaj ke naj chi soske nasul efektura khatar kadi vaccina ke aba sas miljonura kasave vaccini dine thaj nas chi soske komplikatci.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".