Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Erik Ullenhag inkhe marelpe anda e romane puchimata ando riksdagen

Publicime torsdag 13 november 2014 kl 11.45
Ullenhag inkhe vasdel o romano puchipe ando Riksdagen
(5:52 min)
Ullenhag aj Radio Romano. Foto: Radio Romano
Ullenhag aj Radio Romano. Foto: Radio Romano

Adjes si jekh nevo regeringo ando Shvedo numa but rom inkhe chi bistren e butchi so o integratsiako ministro Erik Ullenhag kherdas tala leski vrama sar ministro.

Adjes o Radio Romano shaj phenel ke ferdi ke vo mukhla pesko tan aj parudape o regeringo kado chi herdas ke vo mukhel lesko butchi kusa e rom.

O Erik Ullenhag anda e Folkpartia das andre jekh motion kaj o riksdagen kusa inja proposalie pe sar te inkheren e butchi kharing antiziganismo aj o roma includatcia. Ame maladjilam lesa te phenel amenge sostar vo da andre kado motion pe luine kado kurko.)

- Kado si muro aj o riksdagens drom te tos tsira sor pe o nevo regeringo te inkheren e butchi so ame vasdam. Ame andi amaro butchi lam ame te vasdas jekh patchaimasko podo mashkar e rom aj e politikoria kusa o roma inkludatcia aj kado butchi ame khamas te inkherel o nevo regeringo.

Pala kudo ke o neve regeringo dine pengo budgetosko proposalia vasdape jekh dar vaj oro kaj o Ullenhag ke andi kudo budgeto vo chi dikhla ke o nevo regeringo khamel te inkherel pe sa kudo drom so o purano regeringo kherelas kusa lengi butchi e romentza.

O Ullenhag khamel te patchal ke si jekh butchi so si te avel pe kadala puchimata khatar o nevo regeringo aj vo vi phenel ke vo vi informelno aj formelno si te arakhel droma te avel vasdine khadala puchimata.

Vo majdur phenel ke kado shaj kherel ke shaj chirdel parpale o majoritetno samhälle andi kadala puchimata aj kudo sas te avel jekh surales negativno djela pala kudo ke o purano regeringo vuchem arisle majdur andi lengi butchi e romentza, sar for examplo ke o zanglipe si vasdino pa rom aj vi ke uni komuni kheren butchi e romentza.

Khana o Ullenhag kherda pesko butchi sar integratciako ministro kusa e romane puchimata  attunchi vi e Socialdemokratura aj e Miljöpartie inkherenas lesa andi lesko butchi aj anda kudo vo khamel te patchal ke von si te inkheren kado butchi majdur.

O Ullenhag phenel majdur ke e inja proposalie so si ando motion si konkretno pe sar te inkheren e butchi kusa antiziganismo aj e roma inkludatcia.

O Ullenhag phenel ke maj konkretno sar kado nashtil o riksdagen aj o nevo regeringo te len pe lengo skafedi. Musaj te avel inkherdo e butchi so si pe o rasismo kharing e rom aj vi te avel majdur vasdino aj hasnime e parni kenyva so sas ankhalado.

Kado morion va toda korkoro numa vo sa jekh gindil ke o suporto khatar e khaver partie si te avel kotche kham naj khatar e Sverigedemokratoria so oficialne si surales kharing e puchimata pa e rom.

Pe o puchipe te si ke vo inkherda jekh konversatcia kusa e nevo kulturako ministro Alice Bah Kuhnke pe kadala puchimata te shaj del la lat informatcia vaj överlämnande anda pesko butchi vo phenel ke inkhe voj chi las lesa kontaco numa patchal ke voj si te kherel kudo.

Ullenhag phenel ke e Bah Kuhnke sas la jekh vasdino intresno andi kadal puchimata pe minoritetno gruppi khana voj sas maj terni aj vo khamel te patchal ke voj si te ikherel kudo intresno majdur.

Vo vi phenel ke si jekh buflo intresno vaj vilja ando tem te kheren variso kharing o rasismo aj diskriminatcia numa trubul sar jekh motoro te inkherl kado aj kudo musaj te avel khatar varikon so silen o makto aj oe responsibilita ando tem te kherel kudo.

Vo majdur vi phenel ke inkhe pra sigo si te phenel te si ke avela kado jekh problemo pe maj angle te avel kado butchi inkherdo. Numa so savore trubul ando tem si zanglipe aj anda kudo importantno si te avel lino jekh desitcia te shaj avel dino kado zanglipe pa rom andi terne bersha andi shkola sar maj fugo aj vi ke o nevo regeringo lel sar maj fugo o zanglipe so len trubun pa e rom.

Khana si azukherdo atveto pe kadala proposalie so si ando motion o Ullengah phenel ke angla milaj pe khaver bersh shaj avela uni atvetoria, numa kham naj pe sa e proposalie ando motion.

Pe agor phenel o Ullenhag amenge ke so vo aj o purano regeringo ando lengo butchi kusa e puchimata pa rom shaj kherde maj feder sas te kheren jekh maj lashi butchi pe Evropako levelo numa vi phenel ke shaj kherde majbut pe jekh nationalno levelo, numa kado o Ullenhag si surales loshako anda e butchi so vo kherda aj ke vasda opuchimata pa rom tala lesko perioda so vo kherda butchi sar integratciako ministro ando Shvedo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".