Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Internationalno

"Toto aj leski peja" - Alexander Nanau o regisoro

Publicime fredag 14 november 2014 kl 12.30
"Toto aj leski peja"
(5:36 min)
Alexander Nanau regisoro "Toto aj leski peja". Foto: Peter Lindberg Radio Romano
Alexander Nanau regisoro "Toto aj leski peja". Foto: Peter Lindberg Radio Romano

Toto aj leski peja si jekh filmo so si pa jekh pral aj leski duj peja. Von musaj te len sama lendar korkoro tala e vrama so lengi dej beshel pandado. Kado naj jekh filma sar fersavo filma numa kado si jekh filma so si jekh dokumentarno aj sikahvel o chacho Toto aj leski duj peja.

E filma sas kherdino andi jekh ghetto ando Bukarestia Rumunia aj o regisoro si o Alexander Nanau so phenel amenge ke vo kado filma kharda ferdi pala kudo ke o filmakofirma vaj bolag mukhle te kherela sar vo khamelas vas nas te kherel kado filmo.

O Alexander khamelas te sikhavel andi kado filma jekh perspektivo te aljarel kudola so si te dikhen e filma sar si kadala glatenge aj khatar lengi perspektivo, te aves terno aj godjaver numa sa jekh bi e chansa te arises varikaj ando trajo.

Ame maladjilam e Alexanderosa pe lesko hotelo ando Stockholmo kaj vo vorta arislo te sikhavel e filma "Toto and his siters" vaj "Toto aj leski peja" pe o Stockholmosko filmfestivalo.

O Alexander kherda kado dramo pala kudo ke vo atcharda ke arakhla jekh historia andi kadla trin glati numa vi phenel ke chi zanelas sar kado projekto e filmosa sas te getol.

Leske importantno sas te na avel phendino e vorba rom ando intrego filma te na avel e patreto direktno ke kadala si romane glati anda o ghetto andi Rumunia.

Vo vi phenel ke zanelas ke kado shaj vasdel o gindo mashkar e rom pe sako rik andi lumja ke kado kham naj jekh chacho patreto pa e intrego rom andi lumja numa vi phenel ke kadala rom so shaj dikhen andi drama naj chi andre ando samhället aj chi naj andre ando romano kultura, so leske kado si jekh grupa manush so si avrial sa so si manushkanipe.

O Alexander majdur phenel ke nas truno te kherel e drama kadala galtenza.

- Nas truno te kherav butchi e glatenza von si surales intresno aj surale personi numa ke si terne numa von si godjaver aj aljarde fugo so me khamas te kherav andi filmo.

Kado filma vuchem njerisarda prisoria andi khaver tema aj o Alexander phenel ke importantno si te aljaren e manush ke kado si jekh priso anda o gindo e filmosa aj anda e butchi so me kherdem, vo vi phenel ke jekh bersh gelo te kheren kado filma aj pala kudo vo kherda butchi duj bersh te shinel aj te kherel gata e filma.

Vo majdur phenel ke les siles kontakto e familjaza.

- O Totonel michto kherelepe, vo phirel andi shkola andi vorta klasa aj vi kherel sporto numa chi khamel te avel parpale ka peski dej aj beshen ando jekh kher chorengo. E Andrea si ok voj trajil peski raklesa aj e bari pej si o jekh anda lende so chi zal lake michto ke voj vorta akhana beshel pandado andi temnitza.

Numa o Alexander phenel ke kham naj kadja chores ke voj beshel phandadi andi temnitza ke atunchi naj la e chanza te lel e drogi so vi la khana kherdame filma.

O Alexander phenel ke truno si te phenel o manush sar kado del efecto pe leste pala kudo ke vo kherda kado filmo aj dikhla but chorimata so chi dikhelpe o manush so trajil jekh normalno trajo.

Vo phenel ke kado experantcia del les jekh khaver gindo pe sar trajisa aj sar dikhes khavres aj vi sar barijos sar manush.

O Alexander phenel ke te si ke zangla sa so vo adjes zanel aj sa so vo dikhla, nas te kherel kado filmo pe dujto. Pala kado ke vo tala e vrama so vo kherda o filmo chi zanelas sar aj so avela, aj kado naj lesko moda te kherel butchi.

Numa so sas leske possitivno te kherel kado filmo sas ke khatar kudo ke kadala glati nas konik, konik chi dikhenas le aj konik chi phenelas lenge ke len silen jekh gor te trajin von arisle te aljaren ke varikon dikhenas pe lende.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".