Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
nationalno

But shavora thaj cera personalo ande shavorenge shkoli

Publicime fredag 14 november 2014 kl 12.59
Shaj hasaren kontrolla.
(5:29 min)
barn gungar i grupp

Jekh nevo rapporto kaj kerdas o västnytt pe 253 shavorenge shkoli sikavel o chacipe ke dur katar e statestika thaj regolora kaj si tele shutine katar o skolverket ke site aven karing 5 shavora pe jekh buchari.

E Pia williams kaj si professor ando shavorengo-thaj thernengo zanglipe ando Gteborgosko Universiteto atcharel pe nervovo ke kasave bare differenci mashkar shavora thaj personalora ande förskola thaj  penel ke varznoj che resursora sile kana si maj bare shavorenge gruppi.

Po jekh avdelnigo kaj sas maj bari differensia pe shavorengi gruppa thaj personalo sas ke jekh zeno lelas sama pala 11 shavora katar le bersh 1 dji kaj 5. Ande but komuni sas sako trito shavorengi gruppa pe opral 21 shavora thaj po kaver than sas feri duj shavora pe jekh pesonalo.

Ando Geteborg si but deja thaj dada kaj pelas lenge kado shuda ke kasavo bari differenciaj maskhar le ruzni förskoler. O Oskar Öster kaj siles duj shavora thaj trajij ando Geteborg penel ke leski djivnoj ke si kasave differenciji thaj ke kade ruzninpe le förskoler jekh jekestar

Amenge pelas kado interessno chi vi ando stockholmo si kade bare differensi ande shavorenge shkoli ke za but shavorenge gruppi si pe za cera personalo. Ame kontaktulisrdam la Chamba kaj kerel buchi ande förskola thaj penel ke pe laki buchi djan pala regulora ale ke vi perenas situatsiji kaj sas za cera personalo thaj but shavora.

E dar thaj o  oro si vi ando Stockholmo but deja thaj dada daran pa peske shavora kana muken le ande shavorene shkoli thaj kamen te zanen sakofalo sokerdaspe tela lengo djes ande shkola.

E chamba penel ke vi kado vasdel stresso pe o personalo ke baro responsibilitaj pelende thena dokavenpe vaj te kerdjolpe variso thaj  iva von si ketchik sar kaj truboj pe buchi sas butivar ke situaciji kaj holajle le deja vaj le dada ke lengij e buchi te len sama.

Ame pushlam katar e Chamba sostar voj gindoj ke shaj avel dar vaj maj chorri kontrolla te kerena za cera manush bushi bute shavorensa thaj voj penel ke naj sakodi kontrolla shavora nashen thaj vi shaj keren peske variso, kana keres bichi shavorensa cite citjarele o manush, te avel pedagogisk shavorensa ke von bararen le shavoren kodol 8 tjasora.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".