Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

10 bersh ERTF inkrel khedipe

Publicime tisdag 18 november 2014 kl 13.46
"Avla jekh alosaripe kadi data po nevo presidento"
(4:03 min)
ertf Evropako forumo e Romenge thaj e Phirutnenge European Roma and Traveller Forum
1 av 3
ERTF
Rudko Kawczynski sherutno ando ERTF.
2 av 3
Rudko Kawczynski sherutno ando ERTF.
ERTF
3 av 3
ERTF

Adjes las pe o internationalno romano khedipe ando Strassbourg so ERTF - European roma and traveler forum inkrel.

ERTF si jekh romani organizatcia so si partnero kusa europaki konsilja - Europa rådet. Lars Demetri anda Shvedo phenel sar kote si kado bersh

Lars Demetri si jekh delegato anda Shvedo thaj representulij e khangeraka organizatcia IREM thaj vov si akhardo kado bersh po bershesko khedipe ando Strassbourg.

Lars Demeteri si jekh pindjardo rom ande kadal internationalne buchia thaj vov si jekh membro ande ERTF de khatar o Starto thaj kadi data si 10 data so ERTF khidel pe.

Kado bersh si vi jekh nevo alosaripe pe executivno comiteto thaj adjes alosarla pe neve prezidentos vaj shaj te avel vi kade ke o Rutko Kawczynski ashiol maj dur presidento ando ERTF phenel o Lars Demetri

Rutko Kawczynski si inke adjes presidento thaj sar mezij pe akanak shaja te avel jekh parujipe, shaja te avel jekh nevo prezidento thaj vi o Lars Demetri phenel ke te si jekh terno djanglo manush shaja vov te shiol pesko glaso pe kodo manush.

Sar avla neve presidentosa djangla pe adjes 18 pala mizmeri ke atunchi avla o alosaripe gata, Lars Demetri phenel ke naj chi soske holja kado bersh thaj pachal ke o alosaripe djala mishto.

Kadal avna duj hekticne djes khaj vazdela pe but punktura pa diferentne strategi thaj planura sar te kerel pe maj dur buchi ande romengo pushipe.

Lars Demetri phenel ke but buchi si akanak pa migratcia thaj kodo ke si but rom so trajin ando Europa so naj ande Europaki Unia thaj so nakhen pharo antiziganismo thaj karing kado musaj o ERTF te marel pe maj but e bersh so pashion akanak.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".