Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Za cera buchiara ande intrego them po socialo

Publicime fredag 21 november 2014 kl 11.00
"Kado si problematicno"
(2:52 min)
Foto: Lennart Ackling/Sveriges Radio
Foto: Lennart Ackling/Sveriges Radio

Za cerra buchiara si pe themeske socialura so si te zhutij familjen thaj chavoren, kado kerel ke e chavora so djukaren po zhutipe chi len kado zhutipe pe vrama.

Kado sikavel jekh rodipe so o programo Kaliber anda Shvedicko Radio kerdas kana von bishade anketi khaj 290komuni thaj atveto avile khatar 222 komuni ando them thaj dopash anda kadal komuni phenen ke naj len dosta buchiara.

E situatcia si phari ke naj buchiara, thaj ame rodas buchiaren lungo vrama phenel e Eva- Lena Odeling so si sherutni pe individ thaj familjeomsorgen ande Surahammar.

Kodo ke naj dosta buchiara kerel kodo ke naj jekh lashio zhutipe kodole manushenge so musaj te len zhutipe.

Kana o programo Kaliber kerde kado rodipe bolde pe von khaj 290 komuni ando them 222 bishade atvetura thaj kote sikadjilas ke dopash ande kodol komuni naj dosta buchiara pe familjenge thaj chavorenge buchia.

Ande kado rodipe sikadjilas vi kodo ke si shushie thana - vakantne thana ande 110 komuni thaj ke rodel pe intrego vrama buchiaren.

157 komuni khaj si opral 70 procenti anda sa e komuni phende ke lenge si phares pe kadal buchia kana naj len buchiara.

Eva- Lena Odeling so si sherutni pe individ thaj familjeomsorgen ande Surahammar phenel ke kado si zurales phares ke kaver manush musaj te keren maj but buchi thaj ke chi kerdjion buchia gata pe vrama thaj kodo si chores.

Thaj kodo ke e buchia chi kerdjion pe vrama si jekh patreto si sikadjiol pe ande intrego them.

Karin Gustavsson si socialsekreterare ando individ thaj familjeomsorgen ando Sundsvall phenel ke kade si vi lende ando Sundsvall.

E problematika si kodo ke si buchia numa naj manush so roden kadal buchia thaj kodo si jekh problematika ke chi birij te kerel pe varisavi magija te arakhel pe manushen ando balval phenel o Mats-Johan Adner so si sherutno ando nämnden ando Sundsvall.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".