Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Sjöstedt mangel atveto khatar Alliansa

Publicime torsdag 27 november 2014 kl 09.55
Diferentne ghindura pa budjeto thaj responsebilita Foto:TT
Diferentne ghindura pa budjeto thaj responsebilita Foto:TT

3 december si alosaripe pa budjeto, kote shaj o regeriungo te perel. Akanak mangel Sjöstedt atveto khatar Alliansa so von kerna atunchi.

Adjes diskutulij finansutskottet ando riksdagen pa budjeto so shaj te malavel tele o regeriungo so Löfven inkrel thaj akanak vazdel o sherutno anda Vänsterpartiet o Jonas Sjöstedt pesko glaso thaj kamel te djanel so e Alliansa kamen te keren te avla kade ke von njerina thaj te hasarla o Löfven.

Sjöstedt phenel ke te si kade ke kamel pe te malavel pe tele e regeriungos atunchi si vi len jekh responsebilita te len perdal e buchi.

Vov phenel ke e alosaren si chachipe te djanen save planura len si, kon avla kandidato po statsministro, sar inkrela pe thaj sar avla e buchi maj angle.

3 december po kaver kurko avla o budjetosko alosaripe ando riksdagen thaj te avla kade ke Sverigedemokraterna alosarna pe alliansa shaja o regeriungo te perel.

Sverigedemokraterna phende ke von phenena sar von alosarna marcine pe rachiate pala lengo khedipe so von inkrena ande pengi grupa.

Annie Lööf so si sherutni ande Centerpartia phenel ke von naj musaj te phenen kanchi angla alosaripe pa budjeto, voj phenel ke responsebilita si po Stefan Löfven sar avla maj angle ke vof si statsministro.

Thaj sa kade phenel vi e Anna Kinberg Batra khaj si sherutni anda grupa ando riksdagen khaj Moderaterna ke responsebilita si po Löfven thaj vov si te lashiarel e situatcia konik kaver.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".